7. Aye wa Jésus ayeke na ni so ngere ni ayeke kota mingi?

⁷ Jésus afa so lo yeke na kota nzara ti aye ti yingo na lege so lo yeke gue lani lakue na abungbi ti voro Nzapa. Teti so lo yeke na mbeni li so alingbi kue, kite ayeke pëpe so lo bata lani na li aye kue so lo mä nga lo diko na yâ ti mbage ti Mbeti ti Nzapa so a sû ândö na Hébreu (Luc 4:16). Lo yeke nga lani na mbeni ye so ngere ni ayeke kota mingi; mitele so alingbi kue so a lingbi ti mû ni na sandaga ndali ti azo. Na ngoi so a batize lo lani, Jésus ayeke sambela na peut-être lo yeke gbu li ti lo na ndo ti tënë ti prophétie so ayeke na Psaume 40:7-9.​—Luc 3:21; diko aHébreu 10:5-10.a