Lege ti hundango atënë

Matthieu 16:13-16

NA NDURU TËNË: Na kode hunda atënë ti zia nzara ti tënë ni na yâ ti azo so ayeke mä mo, ti pika patara na ala nga ti gboto lê ti ala na ndö ti akota tënë ni.

LEGE TI SARANGO NI:

• Zia nzara ti tënë ni na yâ ti bê ti ala. Hunda ambeni tënë so ayeke pusu azo ti gbu li ti ala na ndö ti tënë ni wala ti gi ti hinga kiringo tënë ni.

• Pika patara na ndö ti mbeni mama-tene. Fa na azo so ayeke mä mo tongana nyen la atënë ti mo amä terê nzoni, na hundango na ala ambeni tënë so ague na ala ti bâ so atënë ti mo ti nda ni amä terê.

• Gboto lê ti ala na ndö ti akota tënë. Tongana mo yeke fa mbeni kota tënë, hunda atënë so apusu azo ni ti gi ti hinga akiringo tënë ni. Na peko ti so mo sara tënë na ndö ti mbeni kota tënë ahunzi awe, wala na ngoi so mo yeke gue ti hunzi devoir ti mo, hunda ambeni tënë ti dango bê.