Changengo totongo ti go

aProverbe 8:4, 7

NA NDURU TËNË: Fa abibe ti mo polele nga zia nzara ti tënë ni na yâ ti bê ti azo na lege so mo changé totongo ti go ti mo nga na loro ti sarango tënë ti mo.

LEGE TI SARANGO NI:

• Sara si go ti mo atoto ngangu wala atoto ngangu ape. Kono totongo ti go ti mo tongana mo ye ti fa mbeni kota tënë wala mo ye ti pusu azo so ayeke mä mo ti sara ye. Sara tongaso nga na ngoi so mo yeke diko mbeni versê so afa tënë ti fango ngbanga. Me mo kiri na totongo ti go ti mo na gbe ni tongana mo ye ti gue na ndö ti mbeni tënë nde wala mo yeke fa tënë ti mbeto wala ti gingo bê.

• Changé fason so go ti mo ayeke toto na ni. Tongana a yeke sara ni na yanga ti kodro ti mo, yâa go ti mo na nduzu ti fa so mo yapu na yâ ti sarango tënë ti mo wala ti fa konongo ti ye wala yongo ti ye. Kiri na totongo ti go ti mo na gbe ni ti fa vundu ti bê wala gingo bê.

• Changé loro ti sarango tënë ti mo. Ti fa tënë ti mbeni ye so anzere na mo, sara tënë na loro. Me ti fa akota tënë, sara tënë yeke.