Sara ye na nzoni bê nga zia terê ti mo na place ti azo

1 aThessalonicien 2:7, 8

NA NDURU TËNË: Sara tënë na bê ti mo kue, nga fa na azo so ayeke mä mo so mo ye ala nga mo ye ti mû maboko na ala.

LEGE TI SARANGO NI:

• Pensé na azo so ayeke mä mo. Leke bê ti mo na lege so mo dabe ti mo na akpale ti ala. Tara ti zia terê ti mo na place ti ala.

• Soro atënë ti mo nzoni. Gi ti dë bê ti azo so ayeke mä mo, ti kpengba ala nga ti mû ngangu na ala. Tene pëpe atënë so alingbi ti son bê ti ala gï senge senge nga tene pëpe sioni tënë ti azo so ayeke voro Jéhovah ape wala sara pëpe sioni tënë ti aye so ala mä na bê na ni ngangu.

• Bi bê ti mo na azo ni. Sara tënë na nzoni bê nga sara ageste so afa na azo so ayeke mä mo so mo pensé na ala. Zia si lê ti mo afa so mo ye azo ni; nga zia si yanga ti mo ayeke lakue na ngia.