Abungbi ti vorongo nzapa ti wataka afa tâ tënë na ndö ti Nzapa ape

Tongana Nzapa ayeke ndoye, ngbanga ti nyen la abungbi ti vorongo nzapa so atene ala yeke sara kua na iri ti Nzapa asara gbâ ti asioni ye? Na nduru tënë, abungbi so ayeke abungbi ti vorongo nzapa ti wataka; ala fa tâ tënë na ndö ti Nzapa ape. Atënë ti mvene wa la ala fa na ndö ti lo? Atënë ni so asara lo tongana nyen? Nyen la lo yeke sara ande ndali ni?

1. Tongana nyen la abungbi ti vorongo nzapa ti wataka atene mvene na ndö ti Nzapa na yâ ti afango ye ti ala?

Abungbi ti vorongo nzapa ti wataka ‘amû tâ të-në ti Nzapa achangé ni na mvene’. (aRomain 1:25). Na tapande, abungbi ti vorongo nzapa mingi afa iri ti Nzapa na azo ti ala ape. Me, Bible atene so a lingbi azo adi iri ti Nzapa (aRomain 10:13, 14). Tongana mbeni ye ti ngangu asi, ambeni kota zo ti nzapa ayeke tene so ye so Nzapa aye la. Me so mvene la. Nzapa ayeke sara lâ oko ape si ye ti sioni asi. (Diko Jacques 1:13.) Mawa ni ayeke so amvene ti abungbi ti vorongo nzapa asara si azo ague yongoro na Nzapa.

2. Tongana nyen la sarango ye ti abungbi ti vorongo nzapa ti wataka afa tâ tënë na ndö ti Nzapa ape?

Abungbi ti vorongo nzapa ti wataka asara ye na azo tongana ti so Jéhovah aye ape. Bible atene so “asiokpari ti [abungbi so] abungbi na ndö ti terê juska na yayu”. (Apocalypse 18:5). Teti angu ngbangbo mingi, abungbi ti vorongo nzapa ti wataka ayôro terê ti ala na yâ ti poroso, amû maboko na abira nga asara si gbâ ti azo akui wala ala yeda ti tene a fâ gbâ ti azo. Ambeni kota zo ti nzapa aye aye ti luxe, na ala hunda na amembre ti ala ti mû na ala nginza ti vo na ni. Asarango ye ti ala afa so ala hinga même Nzapa ape na ala yeke na droit ti sara kua na iri ti lo ape.​—Diko 1 Jean 4:8.

3. Nzapa apensé nyen na ndö ti abungbi ti vorongo nzapa ti wataka?

Tongana asarango ye ti abungbi ti vorongo nzapa ti wataka ason bê ti mo, mo pensé a sara Jéhovah tongana nyen? Lo ye azo, me bê ti lo ason na terê ti akota zo ti nzapa so afa tâ tënë na ndö ti lo ape nga so asara ye na azo ti ala na lege ni ape. Lo tene so a yeke futi ande abungbi ti vorongo nzapa ti wataka na a yeke ‘kiri ti wara ala ande mbeni pëpe.’ (Apocalypse 18:21). Fafadeso, Nzapa ayeke futi abungbi ti vorongo nzapa ti wataka kue.​—Apocalypse 18:8.

GI TI HINGA AYE MINGI

4. Nzapa ayeda na abungbi ti vorongo Nzapa kue ape

Azo mingi apensé so abungbi ti vorongo Nzapa ayeke tongana alege so ayeke nde nde, so kue ague na Nzapa. Me eskê a yeke tâ tënë? Diko Matthieu 7:13, 14, na pekoni kiri tënë na hunda so:

• Bible atene nyen na ndö ti lege so ague na fini?

Zia VIDÉO ni, na pekoni kiri tënë na hunda so:

VIDÉO: Eskê Nzapa ayeda na abungbi ti Nzapa kue?​—Mbage ni (3:22)

• Eskê Bible atene so Nzapa ayeda na gbâ ti abungbi ti vorongo Nzapa?

5. Sarango ye ti abungbi ti vorongo nzapa ti wataka afa ndoye ti Nzapa ape

Abungbi ti vorongo nzapa afa tâ tënë na ndö ti Nzapa ape na alege mingi. Mbeni lege ni so ayeke sioni mingi ayeke so ala yôro terê ti ala na yâ ti bira. Ti bâ mbeni tapande ni, zia VIDÉO ni. Na pekoni kiri tënë na ahunda so:

VIDÉO: Nyen la a-eglize mingi asara na ngoi ti Use bira so amû sese kue? (2:22)

• Nyen la a-eglize mingi asara na ngoi ti Use bira so amû sese kue?

• Mo pensé nyen na ndö ti aye so ala sara lani?

Diko Jean 13:34, 35 nga na 17:16. Na pekoni kiri tënë na ahunda so:

• So abungbi ti vorongo nzapa ayôro terê ti ala na yâ ti bira, a sara Jéhovah tongana nyen?

• Abungbi ti vorongo nzapa ti wataka asara asioni ye mingi. Na alege wa la mo bâ so ndoye ti Nzapa ayeke na yâ ti asarango ye ti ala ape?

6. Nzapa aye ti zi azo na yâ ti abungbi ti vorongo nzapa ti wataka

Diko Apocalypse 18:4,a na pekoni kiri tënë na hunda so:

• So mo hinga so Nzapa aye ti sö azo so abungbi ti vorongo nzapa ti wataka ahanda ala, a sara mo tongana nyen?

7. Ngbâ ti manda ye na ndö ti tâ Nzapa

Aye so abungbi ti vorongo nzapa ti wataka atene nga asara adoit ti changé bango ndo ti mo na ndö ti Nzapa? Imaginé mbeni molenge-koli so ake ti mä yanga ti babâ ti lo, lo quitté da na lo sara aye so ayeke tâ sioni mingi. Babâ ti molenge ni ayeda na aye so lo sara so ape. Ngbanga ti nyen la a yeke na lege ni ape ti tene so kpengbango-li ti molenge ni ayeke faute ti babâ ni?

• Eskê a yeke na lege ni ti bi tënë na li ti Jéhovah nga ti zia ti manda ye na ndö ti lo ndali ti asarango ye ti abungbi ti vorongo nzapa ti wataka?

NA NDURU TËNË

Abungbi ti vorongo nzapa ti wataka atene mvene na ndö ti Nzapa na lege ti afango ye ti mvene nga na asioni sarango ye ti ala. Nzapa ayeke futi ande abungbi ti vorongo nzapa ti wataka.

Dango bê

• Mo pensé nyen na ndö ti aye so abungbi ti vorongo nzapa ti wataka afa nga asara?

• Jéhovah apensé nyen na ndö ti abungbi ti vorongo nzapa ti wataka?

• Nyen la Nzapa ayeke sara ande na abungbi so?

GI NDA TI YE

Gi ti hinga aye use so asara si mingi ti abungbi ti vorongo Nzapa anzere na Nzapa ape.

“Eskê abungbi ti vorongo Nzapa kue ayeke oko? Ala kue ague na zo na Nzapa?” (Article na ndö ti site)

Ngbanga ti nyen la Jéhovah aye ti tene e na amba ti e, e voro lo?

“Eske a yeke kota ye ti duti na yâ ti mbeni bungbi ti vorongo Nzapa?” (Article na ndö ti site)

Li ti mbeni prêtre aga kirikiri ndali ti sarango ye ti azo ti eglize ti lo. Me ye so akanga lege na lo ape ti manda tâ tënë na ndö ti Nzapa.

“Ndani so mbeni prêtre aquitté eglize ti lo” (A sigi lani na yâ ti Zingo na lango! ti février 2015)

Teti angu mingi, abungbi ti vorongo nzapa afa amvene na ndö ti Nzapa, a sara si azo abâ so Nzapa ayeke pensé na e ape nga lo yeke sioni mingi. Hinga tâ tënë na ndö ti ambeni mvene so ota.

“Atënë ti mvene so asara si ambeni zo aye Nzapa ape” (Tour ti Ba Ndo ti lango 1 ti novembre 2013)