“Bata bê ti mo!”

Kota bungbi ti district ti aTémoin ti Jéhovah

MAMA-TENE TI LANGO TI VENDREDI

“Jéhovah abâ bê ti zo”​—1 SAMUEL 16:7.

MAMA-TENE TI LANGO TI SAMEDI

“Yanga ayeke sara tënë ti ye so ayeke mingi na bê”​—MATTHIEU 12:34.

MAMA-TENE TI LANGO TI DIMANCHE

“Sara na Jéhovah na bê ti mo kue”​—1 CHRONIQUE 28:9.

Na yâ ti Bible, tënë “bê” asigigi dä fani saki oko tongaso. Me na yâ ti mingi ti aversê ni, a ye ti sara tënë ti tâ bê ti zo wani pëpe, me ti bê na lege ti fä. Bê na lege ti fä ayeke nyen? Mingi ni a ye ti sara tënë ti aye so ayeke na gbe ti bê ti zo ni, so ti tene apensé ti lo nga na aye so lo sara nzara ni.

A lingbi e bata bê ti e na lege ti fä ngbanga ti nyen? Nzapa atene tënë so na lege ti Gbia Salomon, lo tene: “Bata bê ti mo ahon mbeni ye ti mo kue so mo bata, teti lege ti fini kue alondo dä.” (aProverbe 4:23). Biani, gi ye so ayeke na yâ ti bê ti e na lege ti fä la si ayeke sara si dutingo ti e ti laso ayeke nzoni wala pëpe, nga gi ni la si ayeke sara si e yeke wara fini ti lakue lakue wala pëpe. E tene tongaso ngbanga ti so Nzapa ayeke bâ ye so ayeke na yâ ti bê ti e (1 Samuel 16:7). Tongana ye so ayeke na yâ ti bê ti e, wala “zo ti yâ ni” ti e, ayeke nzoni, Nzapa ayeke ye e, me tongana a yeke sioni, lo yeke ke e.​—1 Pierre 3:4.

E yeke sara tongana nyen ti bata bê ti e? E yeke wara ande kiringo tënë ni na ngoi ti akota bungbi ti district so aTémoin ti Jéhovah ayeke sara ni na ndo ti sese mobimba so ato nda ni awe na nze ti mai. Ni la, e yeke na ngia ti tisa mo ti ga na alango ota ni kue.a Fade ye so mo yeke mä kâ ayeke mû maboko na mo ti sara ye so anzere na bê ti Jéhovah Nzapa.​—aProverbe 27:11.

[Kete tënë na gbe ni]

[Ndo so a mû foto ti lembeti 32 ni dä]

Foto na mbage ti koli: Aus dem Fundus der MÜNCHNER OLYMPIAPARK GMBH, München