Akode ti fango na tënë

Ti to nda ti a-étude na kozo samedi ti nze ti janvier

“Ambeni zo atene Bible ayeke mbeni buku ti prophétie so zo alingbi ti zia bê ti lo na ni. Ambeni atene ti ala so aprophétie so ayeke na yâ ni ayeke polele pëpe na zo alingbi ti fa ndani na alege so ayeke nde nde. Ka mo tene ti mo nyen?” Zia zo ni akiri tënë. Na pekoni, mû na lo Tour ti Ba Ndo ti lango 1 ti janvier na Français, nga diko tënë so ayeke na gbe ti kete li ti tënë ti lembeti 16 na sara lisoro na zo ni na ndo ni. Diko mbeni versê ni oko wala use tongaso. Mû apériodique ni na lo, na mä tere na lo ti ga ti kiri tënë na hundango tënë so aga na pekoni.

Tour ti Ba Ndo 1 janvier

“Akpengba koli na awali ti giriri azia nzoni tapande mingi so e lingbi ti manda ye dä. Mo kue mo bâ tongaso? [Zia zo ni akiri tënë.] Versê so e yeke gue ti diko asara tënë ti mbeni kpengba koli ni oko, so gi lo oko na yâ ti Bible a iri lo ‘kamarade ti Nzapa.’ [Diko Jacques 2:23.] Mbeti so afa ndani so Nzapa abâ lani Abraham tongana kamarade ti lo na afa ye so e lingbi ti manda na lege ti tapande ti Abraham.”

Réveillez-vous! janvier

“Tënë ti petengo goro nga na ambeni mara ti sarango ye so ague oko na ni amû yâ ti dengo buze kue. Ambeni zo atene so ti tene dengo buze ti mo zo ague na li ni a lingbi mo sara ye ti likisi kete. Ka mo tene ti mo nyen? [Zia zo ni akiri tënë.] Bâ kpengba tënë ti proverbe so. [Diko aProverbe 20:17.] Mbeti so afa ngbanga ti nyen a yeke lege ti ndara ti sara ye na lege ni.”