Akode ti fango na tënë

Ti to nda ti a-étude na kozo samedi ti nze ti juin

“E ga ti sara lisoro kete na ala na ndo ti kpengba hundango tënë so. [Fa na lo kozo hundango tënë so ayeke na peko ti Tour ti Ba Ndo ti lango oko ti juin.] Ala tene ti ala nyen?” Zia zo ni akiri tënë. Bâ legeoko na lo tënë so ayeke na gbe ti kozo hundango tënë ni nga diko mbeni versê oko tongaso. Mû na lo apériodique ni, nga leke ti kiri ti sara lisoro na lo na ndo ti use hundango tënë ni.

Tour ti Ba Ndo 1 juin

“Ngu oko oko, nyongo manga ayeke fâ azo 6000000 tongaso. Ala pensé so a lingbi ti sara mbeni ye ti kiri na kpale so kete na gbe ni? [Zia zo ni akiri tënë.] Ti sara ye alingbi na bango ndo ti Nzapa na ndo ti tënë ti nyongo manga amû maboko na azo mingi ti kpe wala ti ke ni. Na tapande, versê so amû maboko na ambeni zo ti gbu li na ndo ti akpale so nyongo manga alingbi ti sara na ndo ti ambeni zo. [Diko 1 aCorinthien 10:24.] Mbeti so afa tongana nyen ti hinga bango ndo ti Nzapa na ndo ti nyongo manga alingbi ti pusu mbeni zo ti zia lege ti nyongo ni.”

Réveillez-vous! juin

“Internet amû lege na azo mingi ahon ti kozo ti wara ye so ala iri atene akamarade. Ti ala, kota ye wa ala ku na mbage ti mbeni tâ kamarade? [Zia zo ni akiri tënë.] Bâ tapande ti mbeni nzoni wango so Bible amû na ndo ti tënë ti sarango kamarade [Diko Jacques 1:19.] Mbeti so afa akota ye osio so alingbi ti mû maboko na e ti duti mbeni zo so azo ayeke na nzara ti sara kamarade na lo.”