Akode ti fango na tënë

Na ndo wa la a yeke kiri tënë na angangu hunda ti e?

Kozoni, bara zo ni na pekoni fa na lo tract ni ti tene lo bâ li ti tënë ni, mo lingbi ti tene: “E yeke mû mbage na kota kapa ti kangbingo kpengba tokua so a yeke sara ni na yâ ti dunia kue. Bâ ti ala la.”

Tongana mo zia tract ni na mbeni yanga-da so azo ni ayeke dä ape, zia ni na mbeni ndo so tongana azo ayeke hon ala lingbi ti bâ ni ape nga plié yâ ni senge senge ape.

Tongana zo ni ayeda ti mä tënë ni wala lo ye ti sara lisoro, mo lingbi ti hunda bango ndo ti lo na ndo ti ahundango tënë so ayeke na ndo ti tract ni. Zi yâ ti tract ni, na fa na lo ye so Psaume 119:144, 160 atene. Fa na lo so tract ni asara tënë ti mbeni site ti internet so alingbi ti mû maboko na lo ti wara akiringo tënë ti Bible na ndo ti ahundango ndo so. Peut-être mo lingbi ti fa na lo vidéo Ndani nyen ti manda Bible? Kozo si mo hon, fa na lo ahundango tënë ota so ayeke na peko ti tract ni na hunda lo, so wa la agbu bê ti lo mingi. Tene na lo so mo ye ti kiri ande ti fa na lo tongana nyen la lo lingbi ti sara kua na jw.org ti wara kiringo tënë ti Bible na ndo ti hundango ndo ti lo so. Na ngoi so mo kiri, sara lisoro na ndo ti akiringo tënë ni na sarango kua na li ti tënë QUESTIONS BIBLIQUES: > LA BIBLE ET VOUS > QUESTIONS BIBLIQUES

Tongana mo yeke kangbi nga ambeti ti tisango ndo ndali ti kota bungbi ti lango ota, mû na zo ni mbeti ti tisango ndo ni na oko ngoi ni mû na lo tract ni na mo tene: “Mbi ye ti mû nga na ala mbeni mbeti ti tisango ndo ndali ti kota bungbi so zo kue alingbi ti gue dä senge senge.”

Tour ti Ba Ndo 1 août

Na anda-yenga, tongana lege ayeke dä, sara tënë so ti gboto lê ti lo na ndo ti Tour ti Ba Ndo ni: “E ye nga ti zia na ala ambeni fini périodique ti e. Article ti Tour ti Ba Ndo so ayeke kiri tënë na hundango ndo so: Nzapa ayeke bi bê ti lo nga na mo la?”

Réveillez-vous! août

Na anda-yenga, tongana lege ayeke dä, sara tënë so ti gboto lê ti lo na ndo ti Réveillez-vous! ni: “E ye nga ti zia na ala ambeni fini périodique ti e. Article ti Réveillez-vous! so ayeke kiri tënë na hundango ndo so: “Tongana nyen la azo alingbi ti mä tere si siriri aduti na popo ti ala?”