-
ម៉ាកុស ១:២-៤គម្ពីរបរិសុទ្ធសេចក្ដីបកប្រែពិភពលោកថ្មី
-
-
២ ដូចអេសាយដែលជាអ្នកប្រកាសទំនាយ បានសរសេរថា៖ «(មើល! ខ្ញុំនឹងចាត់ទូតរបស់ខ្ញុំឲ្យទៅមុនអ្នក ហើយគាត់នឹងរៀបចំផ្លូវទុកសម្រាប់អ្នក)+ ៣ មានសំឡេងមនុស្សម្នាក់ស្រែកប្រកាសនៅតំបន់ស្ងាត់ជ្រងំថា៖ ‹ចូររៀបចំផ្លូវទទួលព្រះយេហូវ៉ា!* ចូរធ្វើឲ្យផ្លូវរបស់លោកត្រង់›»។+ ៤ យ៉ូហានដែលជាអ្នកជ្រមុជទឹកបានមកតំបន់ស្ងាត់ជ្រងំ ហើយប្រកាសប្រាប់មនុស្សថា ពួកគេគួរប្រែចិត្តពីអំពើខុសឆ្គងរបស់ខ្លួន ដោយទទួលការជ្រមុជទឹក* ដើម្បីឲ្យព្រះអភ័យទោសឲ្យពួកគេ។+
-
-
លូកា ៣:៣-៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣ ដូច្នេះ យ៉ូហានបានចូលទៅតំបន់ជុំវិញទន្លេយ៉ូដាន់ ហើយផ្សព្វផ្សាយប្រាប់មនុស្សឲ្យទទួលការជ្រមុជទឹក* ដែលជាការបង្ហាញថាពួកគេបានប្រែចិត្ត ដើម្បីទទួលការអភ័យទោសចំពោះអំពើខុសឆ្គងរបស់ខ្លួន+ ៤ ដូចអេសាយជាអ្នកប្រកាសទំនាយ បានសរសេរថា៖ «មានសំឡេងមនុស្សម្នាក់ស្រែកប្រកាសនៅតំបន់ស្ងាត់ជ្រងំថា៖ ‹ចូររៀបចំផ្លូវទទួលព្រះយេហូវ៉ា!* ចូរធ្វើឲ្យផ្លូវរបស់លោកត្រង់។+ ៥ ចូរលុបជ្រលងទាំងអស់ ហើយពង្រាបគ្រប់ភ្នំគ្រប់ទួលឲ្យរាបស្មើ។ ឯផ្លូវវៀចក្ងិចក្ងក់ ចូរធ្វើឲ្យទៅជាផ្លូវត្រង់ ហើយចូរធ្វើឲ្យផ្លូវរដិបរដុបទៅជារាបធេងវិញ ៦ នោះមនុស្សទាំងអស់នឹងឃើញការសង្គ្រោះពីព្រះ›»។+
-