၁၁ “‘ချိုးနှစ်ကောင် ဒါမှမဟုတ် ခိုကလေးနှစ်ကောင်ကို မတတ်နိုင်ရင် သူ့အပြစ်အတွက်  အပြစ်ဖြေရာအလှူအဖြစ် ဂျုံနုတစ်ဧဖာရဲ့*+ ဆယ်ပုံတစ်ပုံကို  ယူလာရမယ်။  အပြစ်ဖြေရာအလှူဖြစ်လို့ အဲဒီပေါ်မှာ ဆီမလောင်းရဘူး၊ လောဗန်မတင်ရဘူး။ ၁၂ အဲဒါကို ပုရောဟိတ်ဆီ ယူလာရမယ်။ ပုရောဟိတ်က ဂျုံမှုန့်လက်တစ်ဆုပ်စာကို ယူ၊ ပူဇော်ရာပလ္လင်ပေါ်မှာ ယေဟောဝါအတွက် ပူဇော်ထားတဲ့ မီးရှို့ရာအလှူပေါ် တင်ပြီး ကိုယ်စားပြုအလှူအဖြစ် မီးရှို့ရမယ်။ ဒါဟာ အပြစ်ဖြေရာအလှူပဲ။

၁၄ “‘ကောက်နှံအလှူနဲ့ဆိုင်တဲ့ ပညတ်ကတော့–+ အာရုန်ရဲ့သားတွေက ပူဇော်ရာပလ္လင်ရှေ့၊ ယေဟောဝါရှေ့မှာ  ကောက်နှံအလှူကို ဆက်သရမယ်။ ၁၅ ကောက်နှံအလှူဖြစ်တဲ့ ဆီလောင်းထားတဲ့ဂျုံနု လက်တစ်ဆုပ်စာနဲ့ လောဗန်ရှိသမျှကိုယူပြီး ကိုယ်စားပြုအလှူအဖြစ်၊  ယေဟောဝါအတွက် မွှေးကြိုင်တဲ့ရနံ့အဖြစ် ပူဇော်ရာပလ္လင်ပေါ်မှာ  မီးရှို့ပူဇော်ရမယ်။+