CHIGAWO 9

Kodi Paradaiso Adzabwera Liti?

Mavuto amene akuchitika padzikoli akusonyeza kuti posachedwapa, Ufumu wa Mulungu uyamba kulamulira padziko lapansi. Luka 21:10, 11; 2 Timoteyo 3:1-5

Mavuto a m’masiku otsiriza—juga, nkhondo, matenda, njala, kusamvera makolo, nkhanza za m’banja

Baibulo linaneneratu zinthu zambiri zimene zikuchitika masiku ano. Linaneneratu kuti anthu adzakhala okonda ndalama, osamvera makolo, oopsa ndiponso okonda zosangalatsa.

Linanenanso kuti kudzakhala zivomezi zamphamvu, nkhondo, njala ndiponso miliri. Zinthu zimenezi zikuchitika masiku ano.

Wa Mboni za Yehova akulalikira uthenga wabwino

Yesu ananenanso kuti uthenga wabwino wonena za Ufumu udzalalikidwa padziko lonse lapansi.—Mateyu 24:14.

Ufumu umenewu udzachotsa zinthu zonse zoipa. 2 Petulo 3:13

Anthu oipa awonongedwa pa Aramagedo ndipo Satana ndi ziwanda zake alangidwa

Posachedwapa, Yehova awononga anthu oipa.

Satana ndi ziwanda zake adzalangidwa.

Yesu wakhala pampando kumwamba ndipo anthu amitundu yosiyanasiyana akusangalala

Anthu amene amamvera Mulungu adzapulumuka n’kulowa m’dziko latsopano lolungama. M’dziko limeneli anthu adzakhala mopanda mantha ndipo azidzakhulupirirana ndi kukondana kwambiri.