MOYO WATHU WACHIKHRISTU

Tsanzirani Chikondi Chokhulupirika cha Yehova

Yehova ndi chitsanzo chabwino kwambiri pa nkhani yosonyeza chikondi chokhulupirika. (Sl 103:11) Chikondi chimenechi sikuti chimangokhalapo kwa kanthawi kochepa kenako n’kutha. Chikondi chokhulupirika chimakhala champhamvu komanso chimakhalitsa. Yehova anasonyeza khalidwe limeneli kwa anthu ake Aisiraeli m’njira zambiri. Iye anawamasula ku ukapolo ku Iguputo ndipo analowetsa m’Dziko Lolonjezedwa. (Sl 105:42-44) Ankawamenyera nkhondo komanso ankawakhululukira mobwerezabwereza akachimwa. (Sl 107:19, 20) Kuchita “chidwi ndi ntchito za Yehova zosonyeza kukoma mtima kwake kosatha, [chikondi chokhulupirika]” kumatilimbikitsa kuti tizimutsanzira.—Sl 107:43.

Zithunzi za muvidiyo yakuti “Muzichita Chidwi ndi Ntchito za Yehova Zosonyeza Chikondi Chokhulupirika.” 1. M’bale Ben ali ndi m’bale wina ndipo akucheza ndi mlongo kunyumba kwake. 2. M’bale Ben ali kundende limodzi ndi abale ena, ndipo akupereka chakudya kwa m’bale wina amene akudwala ndipo wagona pabedi.

ONERANI VIDIYO YAKUTI MUZICHITA CHIDWI NDI NTCHITO ZA YEHOVA ZOSONYEZA CHIKONDI CHOKHULUPIRIKA, KENAKO YANKHANI MAFUNSO OTSATIRAWA:

Kodi tingasonyeze chikondi chokhulupirika m’njira ziti?

Your answer
N’chifukwa chiyani kusonyeza chikondi chokhulupirika kumafuna kusiya zinthu zina?

Your answer