Kodi MʼBaibulo Muli Nkhani Zotani?

MʼBaibulo muli uthenga wa Mulungu, kapena kuti mawu ake, omwe ndi ofunika kwa ife masiku ano. Baibulo limafotokoza zimene tingachite kuti zinthu zizitiyendera bwino ndiponso kuti tizisangalatsa Mulungu. Limayankhanso mafunso awa:

1 Kodi Mulungu ndi ndani?
2 Kodi mungatani kuti muphunzire za Mulungu?
3 Kodi ndi ndani amene analemba Baibulo?
4 Kodi Baibulo ndi lolondola pa nkhani zasayansi?
5 Kodi mʼBaibulo muli uthenga wotani?
6 Kodi Baibulo linaneneratu zinthu ziti zokhudza Mesiya?
7 Kodi Baibulo linaneneratu zinthu ziti zokhudza masiku ano?
8 Kodi Mulungu ndi amene amachititsa kuti anthu azivutika?
9 Nʼchifukwa chiyani anthufe timavutika?
10 Kodi Baibulo limalonjeza chiyani zamʼtsogolo?
11 Kodi chimachitika nʼchiyani munthu akamwalira?
12 Kodi akufa adzakhalanso ndi moyo?
13 Kodi Baibulo limati chiyani pa nkhani ya ntchito?
14 Mungatani kuti muzigwiritsa ntchito bwino ndalama?
15 Kodi mungatani kuti muzikhala osangalala?
16 Kodi mungatani kuti musamade nkhawa?
17 Kodi Baibulo lingathandize bwanji banja lanu?
18 Kodi mungatani kuti mukhale pa ubwenzi ndi Mulungu?
19 Kodi mʼmabuku a mʼBaibulo muli zotani?
20 Mungatani kuti muzipindula mukamawerenga Baibulo?

KODI MUNGAPEZE BWANJI MALEMBA MʼBAIBULO?

MʼBaibulo muli mabuku 66 ndipo lili ndi zigawo ziwiri. Chigawo choyamba (ena amati Chipangano Chakale) chinalembedwa mʼChiheberi ndi Chiaramu. Chigawo chachiwiri ndi cha Malemba a Chigiriki (ena amati Chipangano Chatsopano). Buku lililonse linagawidwa mʼmachaputala ndi mavesi. Mukapeza lemba, mudzaona kuti limayamba ndi dzina la buku kenako chaputala nʼkumaliza ndi vesi kapena mavesi. Mwachitsanzo, Genesis 1:1 likutanthauza kuti buku la Genesis chaputala 1 vesi 1.