29 Ashyira igicaniro cyo gutambiraho igitambo gitwikwa n’umuriro+ ku muryango w’ihema ryo guhuriramo n’Imana, kugira ngo kijye gitambirwaho igitambo gitwikwa n’umuriro+ n’ituro ry’ibinyampeke, nk’uko Yehova yari yarabimutegetse.

5 “‘Hanyuma icyo kimasa kizabagirwe imbere ya Yehova, maze abatambyi ari bo bahungu ba Aroni,+ bazane amaraso yacyo bayaminjagire ku mpande zose z’igicaniro*+ kiri ku muryango w’ihema ryo guhuriramo n’Imana.

18 Mose azana isekurume* y’intama yo gutamba ngo ibe igitambo gitwikwa n’umuriro, maze Aroni n’abahungu be barambika ibiganza ku mutwe wayo.+ 19 Hanyuma arayibaga maze amaraso yayo ayaminjagira ku mpande zose z’igicaniro. 20 Iyo sekurume y’intama ayicamo ibice, umutwe wayo n’ibyo bice hamwe n’ibinure* abishyira ku muriro uri ku gicaniro. 21 Mose yoza amara yayo n’amaguru yayo, maze iyo sekurume y’intama yose ayitwikira ku gicaniro iba igitambo gitwikwa n’umuriro. Ni igitambo gitwikwa n’umuriro, impumuro yacyo nziza igashimisha Yehova. Yabikoze nk’uko Yehova yari yarabimutegetse.

19 Umutambyi azafate ku maraso y’igitambo cyo kubabarirwa ibyaha ayashyire ku byo inzugi z’urusengero zifasheho,+ ku nguni enye z’umukaba uzengurutse igicaniro no ku byo umuryango w’irembo ry’urugo rw’imbere ufasheho.