Ibugu ly‘Entimanano Omukolo n‘Akalamo—2025 | Mwezi gwa 7

NSIKU 28/7–3/8

EMIGANI 24

Lwimbo 38 n’Isala | Enderho z’Enshokolezi (Mun. 1)

OBUGALE BW’AKANWA KA MUNGU

1. Ozibuhye Obuyemere Bwawe ly’Olembera Amazibu

(Min. 10)

Ogendekere wayushula obumanye bwawe n’obwenge bwawe (Mig 24:5; it-2 buk. 610 cif. 8)

Ciru n’amango ovunisire omurhima, ogendekere waba n’eprograme nyinja y’okujira ebintu by’ekiroho (Mig 24:10; w09 15/12 buk. 18 cif. 12-13)

Okuba n’emisi omu hali y’ekiroho kunarhurhabale rhuciyumve bwinja ciru akaba rhwahikirwe n’amazibu (Mig 24:16; w20.12 buk. 15)

Mwali wirhu muguma olwazire endwala ndarhi ali ashagalukira okujira amahubiri ga nyumpa oku yindi haguma n’omwîra wage. Ali akolesa etablete yage ly’ayeresa mukazi muguma kantu kalebe.

2. Obuhirhi bw’Ekiroho

(Min. 10)

Mig 24:27—Isomo lihi ogo mugani gurhuyigirizize? (lvs cig. 10 cif. 13-15)

Ishuzo lyawe
Omu busomi bw’Ebibliya bw’ogu mugobe, buhirhi buhi bw’ekiroho wabwine wakaganirira?

Ishuzo lyawe

3. Obusomi bw’Ebibliya

(Min. 4) Mig 24:1-20 (th isomo lya 11)

OCIHÂNE BWENENE OMU MUKOLO GW’AMAHUBIRI

4. Okurhondeza Enganîro

(Min. 2) MAHUBIRI G’AKASANZI KOSHI-KOSHI. Enshambalo zihwe embere ohâne obuhamirizi. (lmd isomo lya 2 nugta ya 4)

5. Okurhondeza Enganîro

(Min. 3) MAHUBIRI GA NYUMPA OKU YINDI. (lmd isomo lya 3 nugta ya 4)

6. Okurhondeza Enganîro

(Min. 3) MAHUBIRI G’AHA NAFASI Y’ABANTU BANJI. Obwire omuntu lugenda eprograme yirhu y’okuyiga Ebibliya, onamusigire akarte k’okulalika omuntu ayige Ebibliya. (lmd isomo lya 4 nugta ya 3)

7. Ehotuba

(Min. 3) lmd enyushûlo A nugta ya 11—Ecirhwe: Nnâmahanga Anarhuganize. (th isomo lya 6)

AKALAMO K’OMUKRISTU

Lwimbo 99

8. Rhukarhabalana omu Mango g’Amazibu

(Min. 15) Nshambalo.

Endwala y’okuyahukira, obuhanya bucilerha bone, akavulindi egarhi ka bacikala, ivita, erhi okulibuzibwa byanarhuhikira buzira kulaliza. Erhi amazibu garhibuka, Abakristu bahikirwe nago banacihire haguma lyo barhabalana n’okuhânana omurhima. Cikone ciru akaba rhurhahikirwe n’ago mazibu, rhunaciyumve kubi bwenene enyanya z’amazibu gahikire abirhu Bakristu rhunanajire okwirhu koshi lyo rhubarhabala.—1Kr 12:25, 26.

Nfoto: Bene wirhu na bali birhu bali barhabala ababo bemezi omu njira ziri lubero. 1. Bene wirhu na bali birhu bali bayubaka buhyahya Enyumpa y’Obwami yasherezibagwa n’obuhanya bucilerha bone. 2. Bene wirhu na bali birhu bali bayegereza n’obushagaluke muzire muguma n’omwali bali babunga. 3. Mwali wirhu muguma ali ahira oburhabale omu cibweta aha Nyumpa y’Obwami. 4. Bene wirhu na bali birhu bali baha ababo bemezi babunzire ebintu by’obulagirire aha Nyumpa y’Obwami. 5. Bavolontere bali bahâna amacupa galimwo amishi. 6. Mwene wirhu muguma ali asalira.

Osome 1 Abami 13:6 na Yakobo 5:16b. Enyuma z’aho odose abumvirhiza ntya:

Bulya gurhi amasala g’abakozi ba Mungu lugenda bene wabo na bali babo gajira obuhashe bwenene?

Ishuzo lyawe

Osome Marko 12:42-44 na 2 Abakorinti 8:1-4. Enyuma z’aho odose abumvirhiza ntya:

Ciru akaba rhuli bakenyi erhi rhurhagwerhi bintu binji rhwakahâna oku mukolo gw’omw’igulu lyoshi lyo rhurhabala bene wirhu na bali birhu bali omu bulagirire, bulya gurhi rhurhashinganini rhuleke okubarhabala?

Ishuzo lyawe

Mulole EVIDEO Okuha Bene Wirhu Omurhima Amango Omukolo Gwirhu Guhanzibwe. Enyuma z’aho odose abumvirhiza ntya:

Bintu bihi bene wirhu na bali birhu baciyimire enyanya z’obuzigire lyo barhabala ababo Bakristu bal’ilamire omu eneo omukolo gwirhu gwal’ihanzibwemwo omu Europe de l’Est?

Ishuzo lyawe
Amango omukolo gwirhu gwal’ihanzibwe, gurhi bene wirhu na bali birhu barhumikiremwo irhegeko lirhuhûnyire rhukarhimanana haguma n’okuhânana omurhima?—Hb 10:24, 25

Ishuzo lyawe