ROSO 6
Ammanate Roduuwinkewa Aana Maaho Kaaꞌlitannonke?
Madagaskaari
Noorweyi
Libaanoosi
Ixaaliya
Mito bayicho xiꞌmino dubbo tayinse woy qiidunninna arrishshunni haꞌneemmo woti no; ikkirono togoori heeꞌreenna ayyaanaamo gambooshshenke ganyine haꞌneemmo. Yihowa Farciꞌraasine addi addi qarri heeꞌreenna, hattono loosunni daafurte heedhenni ammanate roduuwinsa ledo gamba yitannohu mayiraati?
Mitteenni gamba yaanke keerinkera danchate. Phaawuloosi songote giddo ledonke gamba yaanno mannire coyiꞌranni, “Mimmito towaaxxino” yiino. (Ibiraawuyaani 10:24) Hatto yaasi, “kuꞌu kuꞌuyi daafira seekkine hendo,” yaano mimmito seekkine egennino yaasiiti. Konni daafira kuni qummeeshshi mimmitoho hajama hasiissannonketa amaalanno. Roduuwinke ledo egennammummoro, mitu roduuwi ninkehu gedee qarri iilleennansa dandiite saꞌinotanna ninkeno kaaꞌlitankera dandiitannota huwanteemmo.
Mimmitu ledo lubbora jaaloommeemmo gede assitannonke. Gambooshsheho gamba yineemmohu mulla iimi adda egennammoommo manni ledo ikkikkinni, lubbote jaallanke ledooti. Mito woyite kayinni mitteenni gamba yine boohaarreemmo. Konni garinni mimmitunniwa aananke kaaꞌlitannonkeri no? Togoo aante kuꞌu koꞌoye naandeemmonna galanteemmo faro fantannonke; tini qolte roore lubbora baxammeemmo gede assitannonke. Togoo baxilli heeꞌrinkero, roduuwinke qarrantanno woyite insara lubbote jaalla ikkinoommo daafira ranke iillineemmonsa. (Lawishsha 17:17) Songote giddo noo roduuwi baalunkuwa aanneemmoha ikkiro, “mimmitoho taalo hendeemmota” leellinsheemmo.—1 Qorontoosi 12:25, 26.
Maganu fajjo assanni noo manna jaallakki assiꞌratto gede amaalleemmohe. Togoo jaalla Yihowa Farciꞌraasine mereero afiˈra dandaatto. Ninkewa aanattota mitturi nafa hoolahera wodhitooti.
Ammanate roduuwinke ledo mitteenni gamba yaanke maaho kaaꞌlitannonke?
Ninke ledo egennamate songonke daattohu mamooteeti?