Umo Heeshshi Assa

Xintu seera: “Wolu manni kiꞌnenni roorinohu gede assitine hedde.”—Fil. 2:3.

Phaawuloosi Assinore

Soqqamaasinchu Phaawuloosi angasi agaraanchu anga ledo xaadinse usurroonniwa heeˈre, Moote Agiripha, Gashshaancho Fisxoosinna Beriniqe ayirrinyunni hasaawisanni no.

VIIDIYO: Phaawuloosi Moote Agiriphara Sabbaki

1. VIIDIYO laꞌe; woy Soqqamaasinete Looso 26:2, 3 nabbabbe. Hakkiinni, aante noo xaꞌmuwa hiince:

Phaawuloosi Moote Agiripha hasaawisino gari umosi heeshshi assannoha ikkinota leellishannohu hiittoonniiti?
Phaawuloosi mannu iso jajanno gede ikkikkinni Yihowanna Qullaawa Borro illachishanno gede assinohu hiittoonniiti?—Soqqamaasinete Looso 26:22 lai.

Phaawuloosi Assinorinni Maa Ronseemmo?

2. Umonke heeshshi assine ayirrinyunni coyiꞌneemmoha ikkiro, dudumbeemmo sokka roore baxissannota ikkitanno.

Phaawuloosi Faale Hadhe

3. Naadantinoonte. Baalankare affinoonnihu gede woy hakku manchi mittoreno afinokkihu gede assitine coyidhinoonte. Hatteentenni ayirrinyunni hasaawissesi.

4. Dudubbinanni halaali buicho Qullaawa Maxaafa ikkinoti xabbe leelto. Maganu Qaali giddo mannu wodanira coꞌanno hedo no. Maganu Qaale seekkine horoonsiꞌneemmoha ikkiro, macciishshanno manni ammana dancha safo aana xintantinota ikkitanno gede kaaꞌlinanni heeꞌnoommo.

5. Joongillunni coyidhe. Yitinoonniri adda ikkinota ammansiisate coye cuꞌmidhine gibbinoonte. Mannu ledo nyerri yaa dihasiꞌneemmo. Gaꞌlabbi yaankenna hasiisanno woyite agurre haꞌranke umonke heeshshi assineemmota leellishshanno. (Law. 17:14; Tit. 3:2) Joongillunni qoltiniro, manchu wole woyite sokkanke macciishshe adhara dandaanno.

KURINO LAI

Rom. 12:16-18; 1 Qor. 8:1; 2 Qor. 3:5