Xaꞌmote Saaxine
◼ Ayiddu woyi tuuti olliimma ea lainohunni mayi lao heedhankera hasiisanno?
Duuchu qooxeessira mannu wiꞌlate yannara fultanno woce kaffaꞌlate inshuraanse eino. Mitootu qolte maamara kalaqidhe loossannowa woxe wodhitanno. Ninke qooxeessira kayinni mannu olliimma eanno. Mittu Kiristaanchi kayinni togoo maamarra eara albaanni seekke assaawanno. Togoo maamarra wodhitino wodhonna darajjaꞌino gara seekkine xiinxalliniro, roore wote tini maamarra Qullaawa Borro halaalinna xintu seeri ledo sumuu yaannokki bude harunsitannota wodanchinanni. (Ya. 1:27; Yoh. 17:16; Qol. 2:8) Tini maamarra mitu garinni babbaxxitinore ikkiturono, rooriiditi wole ammaꞌno ledo karsammanni gede assitanno. Lawishshaho mite olliimma woxensa reyino manchira ammaꞌnote woga wonshate horoonsidhanno. Togoo maamara einohu ayee manchino “danchu duduwi” halashshaancho ikka hasiꞌrannoha ikkiro, 2 Qorontoosi 6:14-17 nna Ajuuja 18:4 noo hajajo harunsannoti dihuluullissannote.
Mitte olliimma woxe ammaꞌnote woga wonshate kaffaltannota ikka hoogguro nafa, hayyootu gede ikkine heeꞌrate wolereno assaawa hasiissannonke. Togoo olliimma, roore hasiisino coyira horoonsiꞌneemmo yanna guddannonke. (Efe. 5:15, 16) Qoleno olliimma eꞌnummoro ammanatenni ninke ledo xaadannokki manniwa aannammora dandiineemmo; tini qolte ayyaanaamittetenni daafurreemmo gede assitankera, hattono tiianke xursiissara dandiitanno. (1 Phe. 3:16; 1 Qor. 15:33) Olliimma roore illachishshannohu reyote aanaati; Qullaawu Maxaafi kayinni tennenni baxxitino lao heedhannonke gede amaalanno. Konni daafira Kiristaanu songo umise olliimma dikalaqidhanno. (Luq. 9:60; 1 Tes. 4:13; Maat. 22:32) Olliimma woyi wole hattoo maamara eꞌneemmokkihu kuriuu coyibbanniiti.
Quwa sainokkihu, hattono ayirrinyu noo madaarshi baqe ikkinota mite Qullaawu Maxaafi rosaanora xawisa hasiissanno. Qooxeessinkera olliimma eꞌukki reyitinori batinyu ammanantino roduuwinke giddo, kawareetunni madaaramikki gatinohu mittuno dino. Baxillu noohu roduuwu maamari hasiisanno coye baala kaaꞌlino; lawishshaho roduuwu bale untino, woyi reeshshu saaxine seekkitino. (1 Phe. 2:17) Roduuwu dancha gede buusantino daafira, sagaletenna hodhishshaho lowo woce difushshinoonni. Mite maate balaxxe assaabbe, togoo hedeweelchora woxe wodhitino. Mitootu qolte, hakkeeshshi geeshsha hasiisannokkire hirte hasiisannore wonshidhino. Mito bayicho kayinni, dunkaana nafa qansikki roduuwu shiidhinore sheshifachishshe, hattono halaalunnire farcidhe baxillensa loosunni leellishshino.
Shaqqadda cimeeyye heeshshote hasiisannore hoogginota Kiristaanu maate baalanta, hakko iso shiirino ayidde kaaꞌla hasidhanno. (Gal. 6:9, 10) Cimeeyyenna wolootu roduuwi maalaamittete hasiisannore aa calla ikkikkinni sheshifachishshanno. (1 Tes. 5:14) Baxxinanni Manni Reyaannoꞌne Wote yitanno biroshere, hakko iso, “Wolootu Kaaꞌla Dandiitannohu Hiittoonniiti?” yaanno birxichi (qoola 20-24) tenne hajo lainohunni lowonta xaqqantanno assaawe amadino. Yihowawiinni afiꞌnanni hayyonna isi irko togoo yannara lowo geeshsha kaaꞌlitanno.—Far. 37:25; Maar. 10:28-30; Law. 3:3-6.