Ayyaannate Barra Maa Assitinanni?

Ammaꞌnonnitanna gobbate ayyaanna ayirrinsanni barra batinyu manni loosoho haꞌrannokkihuranna qaete hosanno daafira, togoo barri roore wote soqqanshote dancha faro fanannonke. Songuwa ayyaanna heedhanno barra soqqamate baxxitino qixxaawo assituro lowo geeshsha danchaho. Killilenke giddo noohu batinyu manni togoo barra goxinowiinni barrisiꞌre kaꞌꞌannoha ikkiro, simirriitete gambooshshi yanna soorra dancha ikkitara dandiitanno. Ayyaannate barra soqqamate assinoonni qixxaawo balanxe Soqqanshote Gambooshshi yannara egensiisanna baalunku tenne faro horoonsiꞌre soqqamanno gede jawaachisha dandiinanni. Ayyaanna heedhanno barri fooliishshiꞌre hosate woy uminke dilgora kaaꞌlannonketi anfoonnite. Ikkirono, gama yanna soqqansho fulate gaaꞌmitiniro woyyanno. Hatto assitiniro, qullaawa soqqanshonkenni afiꞌnanni hagiirre afidhinanni.—Mat. 11:29, 30.