Xaꞌmote Saaxine

◼ Mitte halashshaancho labbaa halashshaanchi ledo soqqantanni xullichoho Qullaawu Maxaafi xiinxallo marraꞌanno wote umo gugguꞌla hasiissannose?

Mitte halashshaancho dinye amadde, yannate kiiro Qullaawu Maxaafi xiinxallo marraꞌannoha ikkironna ledose labbaa halashshaanchi nooha ikkiro, umo gugguꞌla hasiissannose. (1 Qor. 11:3-10) Maaja 15, 2002, Agarooshshu Shaera, qoola 27 aana togo yitanno assaawe no: “Tini rosiisate yine balanxe amandoonni yannaati. Konni garinni xiinxallisa songote gambooshshi widira gaamantanno. Mitte cuuantino halashshaancho mittu cuuamino halashshaanchi ledo konni garinni xiinxallissannoha ikkiro, umo gugguꞌla hasiissannose.” Cuuaminokki halashshaanchi ledo Qullaawu Maxaafi xiinxallo marraꞌanno woteno hatto assitanno. Xiinxallo marraꞌannohu mine, xullichoho woy wolewa ayewano ikkiro hatto assitanno.

Mitte rodoo ganye xiinxalla jammarinokki mancho mittu halashshaanchi ledo xullichoho Qullaawa Maxaafa xiinxallissanno wote kayinni, umo gugguꞌla dihasiissannose; tini rodoo galagalte martinohu Qullaawu Maxaafi xiinxallo jammarsiisate woy xiinxallisate horoonsiꞌneemmo borro giddonni mitte hajore kayisse hasaawisate ikkirono, gugguꞌla dihasiissannose. Xullichoho Qullaawa Maxaafa xiinxallinsanni manchi xiinxallo biddiitto jammarannohu gale hosanni ikkinohura yaano duuchaange marre hasaawinseenna ikkinohura halashshaano umo gugguꞌla hasiissannohu hiikka woteetiro wossanate heeshshi gotti assite heda hasiissannonsa.