Qanchu Soqqanshoha Luphi Yiino Guma

Saihu soqqanshote diro halashshaanote kiiro 3 anga lexxitino. Xaphoomunni 513 manni cuuamino; qoleno 22 halashshaanora nabbawanna borreessa rosiinsoonninsa. Kore cuuantu halashshaano hagiidhine haaꞌneemmonsa; hattono haarote nabbawanna borreessa dandiitino roduuwino ayyaanaamittete sagale uminsanni nabbawa dandaansa lowo geeshsha hagiirsiissinonke. Kuri roduuwi nabbawanna borreessa dandaanno gede kaaꞌlitu roduuwa lowo geeshsha galanteemmonsa; hattono nabbawanna borreessa dandiitannokkire xaano kaaꞌla agurtannokki gede jawaachinsheemmonsa. Mesteettanke elloonni kiiro nirinni 23 anga, maxaaffa 38 anga, birosherubba 845 anga lexxitino. Tini lowo geeshsha hagiirsiissannote; korkaatuno tini borruwa lowo manni Maganu Qaali giddo nooha muxxe halaale afanno gede kaaꞌlitanno. Konni daafira borruwanke, roorenkanni metseettankenna tiraaktuwanke dancha gede assine ela agurroonke. Togo assitinanni wote, wixxinoonnihu muxxe gumira “waa hayikkisa” dandiitinanni gede hasatto noonsare borreesse amadanna faana gana agurtinannikki gede jawaachinsheemmoꞌne.—1 Qor. 3:6.