Lawishsha Ikkannoha Hasaawu Bitima

Agarooshshu Shae Dotteessa 1

“Techo manna baalaho tenne tiraakte uyinanni heeꞌnoommo. [Qaete annira Qullaawu Maxaafi mayi maxaafaati yaatto? yitanno tiraakte uyitesi kaꞌe tiraaktete albiidi qoolira noo xaꞌmo xaꞌmi. Tenne xaꞌmora Qullaawu Maxaafi qolanno dawaro 2 Ximootewosi 3:16 fante leellishisi; hakkiinnino yanna afiꞌranno wote tiraakte nabbawanno gede jawaachishisi.] Batinyu manni togoo xaꞌmuwara Qullaawu Maxaafi qolanno dawaro diafino. [Agarooshshu Shaera umi birxichira eote noo xaꞌmuwa leellishi.] Tini Metseete Qullaawu Maxaafikki giddonni dawaro afiꞌratto gara xawissannote.”

Baqqi Yiiyye! Dotteessa

“Techo mannu ledo mitte hajore kayinse haransine hasaambanni heeꞌnoommo; lowo manni batinye maate giddo soorramanno coye laꞌanno wote yaadanno. Bashshoo yannara, maatete giddo silxaane noonsari ooso ikkitukkinni annahonna amate, xa kayinni mite maate giddo silxaane noonsari ooso ikkitinoha lawanno. Yannankera annunna ama oosonsa garunni seejjite lossitanni nooha lawannohe? [Dawaro qola geeshsha agari.] Qullaawu Maxaafi ooso seejja dancha ikkitinota kulanno. [Lawishsha 29:17 nabbawi.] Tini metseete ooso quwa saꞌnikkinni seejja lainohunni Qullaawu Maxaafi aannoha dancha biddishsha kultannote.”