Hexxotenni Hagiidhe

Hexxo yowolotenni haꞌnanni wote qasiꞌnanni mokkillichi gedeeti. (Ib 6:19) Hexxo hambabalattete gedee qarri iillannonke wote ayyaanaamittenke baꞌannokki gede kaaꞌlitannonke. (1Xi 1:18, 19) Hambabalattete gedee qarri hexxo mudhinanni gede assannore, noonke jajja hooga, darga assiꞌrino dhibba, shiiro woy wole ammanammeemmokki gede assannore ikkara dandaanno.

Ammananna hexxo qaale eꞌnoonninke atooti xawe leellannonke gede assitanno. (2Qo 4:16-18; Ib 11:13, 26, 27) Konni daafira, hexxonke iima woy uulla ragiꞌrano ikkituro Maganu Qaali giddo borreessinoonniha albillitte afiꞌneemmo atoote ganyine hiincine hexxonke kaajjitanno gede assiꞌra hasiissannonke. Hatto assinummoro qarru iillinkerono hagiirrinke baikkinni heeꞌra dandiineemmo.—1Ph 1:6, 7.

HEXXOTENNI HAGIIDHE YITANNO VIIDIYO LAꞌINI GEDENSAANNI AANTE NOO XAꞌMUWA HASAABBE:

• Museha dancha lawishsha harunsa hasiissannohu mayiraati?

• Maatete umo ikkitinorira hiikku loosu qeechi noonsa?

• Maatete Magansiꞌra assidhinanni wote hiittee haja daafira xiinxalla dandiitinanni?

• Hexxo, iillannoꞌne fonqolo dandiitine saꞌinanni gede kaaꞌlitannoꞌnehu hiittoonniiti?

• Albillitte afiꞌrate quqquxamattori maati?