Yihowaha Amanyootu Seera Ayirrisse

Maganu Yihowa mannu oosora amanyootu seera fushshino. Lawishshaho, adhanna adhama labbaahunna meyate mereero heedhannota baꞌannokki mittimma ikkitinota kulino. (Mt 19:4-6, 9) Isi duuchunku gari foorre tiyyire giwanno. (1Qo 6:9, 10) Isi mannisi baxxe leellanno gede, uddiꞌratenna seesate daafira nafa biddishsha fushshino.—Mar 22:5; 1Xi 2:9, 10.

Yannankera lowo manni Yihowa biddishsha diharunsanno. (Ro 1:18-32) Kuni manni rooriidi manni uddiꞌrannonna seesanno gara, hattono insa ikkito harunsanno. Insa akkimale ikkitanni heedhe, insa assitannore harunsannokki manna mishshanno.—1Ph 4:3, 4.

Ninke Yihowa Farciꞌraasine ikkinoommo daafira, waajjinummokkinni isihu amanyootu seeri ayirranno gede assa hasiissannonke. (Ro 12:9) Hiittoonni? Isi baxannori maatiro hayyotenni mannu afanno gede assa hasiissannonke. Kayinni balanxe Yihowa biddishsha ninke uminke seekkine harunsa hasiissannonke. Lawishshaho, uddiꞌneemmonna seenseemmo gara dhoodhineemmo wote ninkeneeto togo yine xaꞌma hasiissannonke: ‘Doodheemmo doorshi Yihowa seeranso, alamete ikkito harunseemmota leellishanno? Uddiꞌreemmonna seeseemmo gari Magano waajjeemmo Kiristaancho ikkoommota leellishanno?’ Mitte pirogiraame woy filme dhoodhineemmo wote ninkeneeto togo yine xaꞌma hasiissannonke: ‘Tini pirogiraame Yihowa hagiirsiissanno? Tini pirogiraame aye seera harunsinanni gede assitannote? Doodheemmo boohaarshi nooehu danchu amanyooti baꞌꞌanno gede assannoho? (Fa 101:3) Kuni boohaarshi maateꞌya miillara woy wolu mannira guficho ikkanno?’—1Qo 10:31-33.

Yihowaha amanyootu seera ayirrisa lowo geeshsha hasiissannota ikkitinohu mayiraati? Yesuusi Kiristoosi muli yannara, daganna bunshe baala hunanno. (Hi 9:4-7) Hatte yannara Maganu fajjo assitannori calla gattanno. (1Yo 2:15-17) Konni daafira, mannu dancha amanyootenke lae Magano guwisanno gede, Yihowaha amanyootu seera ayirrinso.—1Ph 2:11, 12.

YIHOWA JAALA IKKI—MITTO MANCHONNA MITTE MANCHO YITANNO VIIDIYO LAꞌINI GEDENSAANNI AANTE NOO XAꞌMUWA HASAABBE:

• Yihowa seeri garinni heeꞌra hayyote yineemmohu mayiraati?

• Annuwunna amuuwu qaaqquullinsara anjenni kayisse Yihowaha amanyootu seera rosiisa hasiissannonsahu mayiraati?

• Qaaqquulluno jajjabbuno wolootu Maganu albillittete daafira uyino hexxonni horo afidhanno gede kaaꞌla dandiitannohu hiittoonniiti?