Soqqanshonke Isilanchimma Woyyeessiꞌra​—Xaꞌmuwa Danchu Garinni Horoonsidhe

HASIISSANNOHU MAYIRAATI? “Mannu wodanira noo hedo diimete wayi gedeeti;” xaꞌmo qolte waa hinkiiꞌlate kaaꞌlanno uduunnichi gedeeti. (La 20:5) Xaꞌmo hasaawinseemmo manchi hedo afate kaaꞌlitannonke. Hayyotenni xaꞌminoonni xaꞌmora qollanni dawaro duucha wote dancha guma abbitanno. Yesuusi xaꞌmo danchu garinni horoonsiꞌrino. Ninke isi lawishsha harunsa dandiineemmohu hiittoonniiti?

TENNE ASSA DANDIINANNI GARA:

• Mannu Hedo afate kaaꞌlitanno xaꞌmuwa xaꞌme: Yesuusi rosaanosi hedo afate xaꞌmuwa horoonsiꞌrino. (Mt 16:13-16; be-AM 238 guf. 3-5) Mannu hedo afate hiikkuri xaꞌmuwa xaꞌma dandaatto?

• Hasiꞌnoonnire rosiisate kaaꞌlitanno xaꞌmuwa xaꞌme: Yesuusi Pheexiroosi seejjate xaꞌmo xaꞌmino; tini Pheexiroosi hedosi biddi assiꞌranno gede kaaꞌlitinosi. (Mt 17:24-26) Atino mannu huwatara hasiꞌroottore rosiisate hiikkuri xaꞌmuwa horoonsiꞌra dandaatto?

• Hasaawissinanni mancho galatte: Yesuusi seeru rosiisaanchi “wodaninni hede qolinosita” afe galatinosi. (Maq 12:34) Mittu manchi xaꞌmootto xaꞌmora dawaro qoliro galata dandaattohu hiittoonniiti?

YESUUSI LOOSINO LOOSO LOOSSE—ROSIISSE YITANNO VIIDIYOHA UMI GAFA LAꞌINI GEDENSAANNI, AANTE NOO XAꞌMUWARA DAWARO QOLATE WOꞌNAALE:

• Tenne viidiyora laꞌini rodii halaale rosiisinoha ikkirono rosiisate horoonsiꞌrino hayyo dancha diꞌꞌikkitino yineemmohu mayiraati?

• Rosiinseemmo wote halaale calla kule aguratenni hakkii sainore assa hasiissannonkehu mayiraati?

YESUUSI LOOSINO LOOSO LOOSSE—ROSIISSE YITANNO VIIDIYOHA LAYINKI GAFA LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALE:

• Roduu xaꞌmuwa danchu garinni horoonsiꞌrinohu hiittoonniiti?

• Roduu rosiisino garinni wolere maa ronseemmo?