Hegerera Hagiidhitanni Heeꞌra Dandaatto! Yitanno Borro Horoonsidhine Wolootu Yihowaranna Yesuusira Noonsa Ammana Kaajjishidhanno Gede Kaaꞌle

Qullaawu Maxaafi rosaano Magano hagiirsiisate kaajjado ammana heedhannonsa gede assiꞌra hasiissannonsa. (Ib 11:6) Hegerera Hagiidhitanni Heeꞌra Dandaatto! yaanno maxaafa horoonsiꞌne insa tenne assitanno gede kaaꞌla dandiineemmo. Konni maxaafira qara qummeeshshuwa, huwatate qarrisannokki xawishshi, lowo geeshsha hasiissanno xaꞌmuwa, loosoho kakkayissanno viidiyubbanna baxissanno misilla no. Qullaawu Maxaafi rosaano Kiristaanu akatta heedhannonsa gedenna Maganu ledo muli jaalooma kalaqidhanno gede kaaꞌlinummonsaro giirate gedee fonqolo dandiite saꞌanno.—1Qo 3:12-15.

Mitu mannira illetenni laꞌꞌa dandiitannokki Magani ledo jaalooma kalaqira gooddo labbannonsa. Hakko daafira insa Yihowa baxxannonna addaxxitanno gede kaaꞌla hasiissannonke.

HEGERERA HAGIIDHITANNI HEEꞌRA DANDAATTO! YITANNO BORRO HOROONSIDHINE WOLOOTU YIHOWARA NOONSA AMMANA KAAJJISHIDHANNO GEDE KAAꞌLE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Rodoo Qullaawa Maxaafa xiinxallisate dancha gede qixxaabbinota leellishannori maati?

• Tini rodoo Qullaawu Maxaafi rosaanchose Isayaasi 41:10, 13 daafira noose lao kultanno gede kaaꞌlate wole hiittoo xaꞌmuwa xaꞌmitino?

• Viidiyonna qummeeshshuwa rosaancho kaaꞌlitinosehu hiittoonniiti?

Batinyu manni wodote kakkalo maatiro diafino hattono Maganu insa mittu mittunkura uyinonsa elto gede asse dilaꞌꞌanno. (Ga 2:20) Konnira mannu Yesuusita wodote kakkalo ammananno gede kaaꞌla hasiissannonke.

HEGERERA HAGIIDHITANNI HEEꞌRA DANDAATTO! YITANNO BORRO HOROONSIDHINE WOLOOTU YESUUSIRA NOONSA AMMANA KAAJJISHIDHANNO GEDE KAAꞌLE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Roduu Qullaawa Maxaafa xiinxallisate dancha gede qixxaawinota leellishannori maati?

• Isi, “Egenno Lexxi” yaanno gafa horoonsiꞌre rosaancho kaaꞌlinohu hiittoonniiti?

• Rosaanchinke daafira huuccatto assa lowo geeshsha hasiissannonkehu mayiraati?