GAFA 8
Qullaawu Maxaafi Coyiꞌrannori Ikkanno
Qullaawu Maxaafi konni albaanni ikkitinota addu xagge calla amadinoha ikkikkinni, konni kaꞌa ikkannoreno coyiꞌranno. Mannu ooso konni kaꞌa ikkannore coyidhe diaffanno. Konni daafira Qullaawu Maxaafi Maganu qaale ikkinota anfoommo. Ikkina Qullaawu Maxaafi konni kaꞌa marichchi ikkanno yaanno?
Konni kaꞌa bayiru Maganu oli ikkannota kulanno. Maganu hakko olira baalanta bunshenna busha manna baala uullate aaninni hunanno. Isira soqqantannore kayinni gatisanno. Maganu nugusa assinohu Yesuusi Kiristoosi, Maganu soqqamaano keerunninna hagiirrunni heedhanno gede assanno. Qoleno horonta xiwantannokkinna reyitannokki gede assanno.
Maganu uulla haaro gannate assanno daafira tashshi yaannonke; dihattooti? Hatte gannatera heeꞌrate kayinni assa hasiissannonkeri no. Maganu isira soqqantannorira qixxeessinoha danchare baala afiꞌrate maa assa hasiissannonkero, konni maxaafi goofimarchu xaggera ronseemmo. Konni daafira 8ki GAFA nabbabbe, Qullaawu Maxaafi konni kaꞌa mayi ikkanno yaannoro huwati.