GAFA 8

Yesuusi Reyo Atera Mayi Horo Uyitannohe?

Yesuusi reyinohu ninke heeshsho afiꞌnammoraati. Yohaannisi 3:16

Mancho fano nooha Yesuusi moogo la’anni no

Yesuusi reyihunni sasu barri gedensaanni mitu meenti waammasiwa mari wote, waammasi fanote. Yihowa hakkawote Yesuusa reyotenni kayise kainosi.

Yesuusi soqqamaasinesira leellino hakkiinni iimira ha’rino

Yannate gedensaanni Yesuusi, jaallasira hawaariyaatete leellino.

Yihowa, Yesuusa wolqaataamonna layinkita reyannokki kalaqo asse reyotenni kayisinosi. Yesuusi iimira galagale haꞌri wote rosaanosi laꞌinosi.

Maganu Yesuusa reyotenni kayise Mangistesira Nugusa assinosi. Daanieeli 7:13, 14

Yesuusi iima zuufanesira hee’re gannate ikkitino uullara noo manna gashshanni no

Yesuusi lubbosi mannu oosora wodo asse uyino. (Maatewoosi 20:28) Maganu ninke tenne wodonni hegere heeshsho afiꞌnammora qixxaawo assinonke.

Yihowa, Yesuusi uullate aana Nugusa ikkanno gede shoominosi. Ammanantinori 144,000 manni reyotenni kaꞌe isi ledo heeꞌrate iimira hadhanno. Yesuusinna kuri 144,000 manni xalala ikkinohura iimi gashshootira yaano Maganu Mangistera gashshaano ikkitanno.—Ajuuja 14:1-3.

Maganu Mangiste uulla Gannate assitanno. Hatte yannara olu, jaddo, buximanna hude diheedhanno. Mannu addinta hagiirraamo ikkanno.—Faarso 145:16.