Mimmitoho Ammanamme

Yihowa ‘ammanammoommore’ ikkinammora hasiꞌranno. (Mikkiyaasi 6:8) Tini roorenkanni adhamino mannira hasiissannote; ammanama hoogguro mimmito addaxxine dianfanni. Mimmito addaxxa baxillu lexxanno gede assitanno.

Xaa yannara, galtete ammanama hooga rosantinota ikkitanni hadhino. Kiꞌnera togoo coyi iillannoꞌnekki gede, lame coye assate murcidhine kaꞌꞌa hasiissannoꞌne.

1 MAATEꞌNE BALAXISIISSE

QULLAAWU MAXAAFI MAYYAANNO? “Roore hasiissanno coyibba baddine affe.” (Filiphisiyusi 1:10) Heeshshoꞌne giddo lowonta hasiissanno coyibba giddo mitte maateꞌneeti. Konni daafira maateꞌne wole coyibbanni balaxisiisa hasiissannoꞌne.

Yihowa galteꞌne towaattinaranna mitteenni ‘hagiidhitinara’ hasiꞌranno. (Mekibibi 9:9) Isi galteꞌne dea hasiissannoꞌnekkitanna mimmito hagiirsiissinanni doogo hasiꞌra hasiissannoꞌneta xawise kulino. (1 Qorontoosi 10:24) Galtekki atera lowore ikkitinotanna naadattoseta affanno gede assi.

MAA ASSA DANDIITINANNI?

• Ganyitine galteꞌne ledo mitteenni yanna sayisse; qoleno galteꞌne woꞌmu wodaniꞌnenni macciishshe

• “Ani” yaantenni “ninke” yitinanni hedde

2 WODANAꞌNE AGADHE

QULLAAWU MAXAAFI MAYYAANNO? “Foora yora geeshsha meyaata laꞌꞌannohu baalunku hakkawote wodanisinni ise ledo soorrino.” (Maatewoosi 5:28) Mittu manchi maaeela coye hedanni keeshshannoha ikkiro, galtesira diammanamino yaa dandiinanni.

Yihowa, ‘wodananke agadha’ hasiissannonketa kulino. (Lawishsha 4:23; Ermiyaasi 17:9) Tenne assate, illeꞌne laꞌannore qoropha hasiissannoꞌne. (Maatewoosi 5:29, 30) Wole meyaata yortote illenni laꞌꞌannokki gede illesi ledo gondooro einohu ammanate manchiha Iyyoobi lawishsha harunse. (Iyyoobi 31:1) Teeda baꞌino misilla horonta laꞌinannikki gede qorophe. Galteꞌne agurranna wolu aye manchi ledono baxillu aante heedhoonkeꞌne.

MAA ASSA DANDIITINANNI?

• Ati galtekkiha calla ikkoottota wolootu affanno gede assi

• Galtekki hedo lashshi assite agurtooti; wole meyaate ledo noohe aante galtekki koffi assitannoha ikkiro aantekki bayichonko aguri