XIINXALLO 18

Macciishshaanote Egenno Ledannore

1 Qorontoosi 9:19-23

ASSA HASIISSANNOHERE: Macciishshaano roso heeshshi gotti assite hedde, kaajja roso ronsoommo yite heddanno gede assi.

Macciishshaano konni albaanni maa affinoro hedi. Wonanni affe noo coye ledde kulattonte, hatte hajo wolu garinni heddanno gede assi.

Macciishshaano affinore coyiꞌratto woyite rakke rakke coyiꞌri; haaro hedo kayinni sununni coyiꞌri.
Seekkite xiinxalli, hattono hiinci. Dandaamannoha ikkiro, qara hedo xawisate gari geeshsha egennantinokki mashalaqqe woy muli yannara ikkinore kuli. Rosiissanni nootto rosinna kulate hedootto mashalaqqe mereero mayi xaadooshshi nooro seekkite hedi.

Shiqishatto roso xiinxallatto woyite, ‘Maa? Mayira? Mamoote? Mama? Ayi? nna Hiittoonni?’ yitanno xaꞌmuwa heddanni hiinci. Lallawo shiqishatto woyiteno kuri xaꞌmuwa xaꞌmite dawaro qoltanni shiqishate woꞌnaali.
Rosiisatto rosi afiꞌrino horo xawisi. Macciishshaanote qummeeshshu hedo heeshshonsara kaaꞌlitannonsa gara xawisse kuli. Macciishshaano affinota mitte hajo, ikkito, woy assoote kayisse, shiqishatto rosi togoo coyira kaaꞌlanno gara xawisi.