Mannu Hasaawa Baxannore

Yesuusi Assinore

VIIDIYO: Yesuusanna Wayi Balewa Xaadino Mancho

1. VIIDIYO laꞌe; woy Yohaannisi 4:6-9 nabbabbe. Hakkiinni, aante noo xaꞌmuwa hiince:

1. Yesuusi manchote ledo hasaawa hanafara albaanni ise daafira maa wodanchino?

2. Yesuusi, “Ageemmo waa uue” yiino. Hatto yaasi hasaawa hanafate dancha ikkitinohu mayiraati?

Yesuusi Assinorinni Maa Ronseemmo?

2. Manchu hasaawa baxannore coyiꞌne hananfeemmoha ikkiro, dancha hasaawa hasaambammora dandiineemmo.

Yesuusi Faale Hadhe

3. Hasaawa soorra gibbinoonte. Kiꞌne hasaawate heddinoonnire calla coyidhinoonte. Xaa yannara mannaho huluullanni noore kayissine hasaabbe. Kiꞌneneeto togo yitine xaꞌme:

1. ‘Odoote kullanni heeꞌnoonni hajo maati?’

2. ‘Qachinke manni, ledoꞌya loossannori woy rossannori hasaabbanni noohu mayi daafiraati?’

4. Wodanchitine laꞌe. Kiꞌneneeto togo yitine xaꞌme:

1. ‘Kuni manchi xa maa assanni no? Isi maa hedanni nooha ikkara dandaanno?’

2. ‘Uddiꞌrino uduunni, sonisi woy qaesi ammanasinna budisi daafira maa kultanno?’

3. ‘Konne mancho hasaawisate tini maltino yannaati?’

5. Macciishshe.

1. Lowore coyidhinoonte.

2. Manchu giddosita fushshe coyiꞌranno gede asse. Hasiisanno woyite, xaꞌmo xaꞌme.