Soqqanshonke Isilanchimma Woyyeessiꞌra—Sabbakate Fulloommokki Wote Farciꞌrate Hasaawa Kayisa

Hasiissannohu Mayiraati? Minunni mine haꞌne soqqammeemmo wote, haammatu manni qaete diheeꞌranno. Ikkollana, konni manni ledo makeenu giddo, akimete mine, loosu basera woy rosu mine fooliishshote yannara, woy wole hattoo basera xaandammora dandiineemmo. Yihowa mannu baalunku Mangistesi sokka macciishshanno faro afiꞌrara hasiꞌranno. (1 Xim. 2:3, 4) Mannaho farciꞌrate, roore wote ninke balanxe hasaawa kayisa hasiissannonke.