HASAAWA HANAFA
ROSO 6
Bashshi Assa Hooga
Xintu seera: “Phaawuloosinna Barnabaasi mittoreno bashshi assitukkinni Mootichunnire [kultu].”—Soq. 14:3.
Yesuusi Assinore
1. VIIDIYO laꞌe; woy Luqaasi 19:1-7 nabbabbe. Hakkiinni, aante noo xaꞌmuwa hiince:
Mitu manni Zakkiwoosiwa gambo giwannoha ikkara dandaanno. Mayira?
Ikkirono Yesuusi isira dancha duduwo kulannosi gede kakkayisinosiri maati?
Yesuusi Assinorinni Maa Ronseemmo?
2. Maganu Gashshooti halaale mannaho mallaandummokki kulate bashshi yineemmokkire ikka hasiissannonke.
Yesuusi Faale Hadhe
3. Yihowa addaxxe. Yesuusi sabbakanno gede wolqa ikkinosihu, Maganu ayyaanaati; kuni ayyaani kiꞌnerano wolqa ikkannoꞌne. (Mat. 10:19, 20; Luq. 4:18) Laꞌineenna waajjishannoꞌne mannira farciꞌrate jawaante aannoꞌne gede Yihowa huuccidhe.—Soq. 4:29.
4. Balaxxine manna togooho yitinoonte. Mito woyite manna aanansa, noonsare, heeshshonsa gara, woy ammaꞌnonsa laꞌne coyishiishate hobbi ruxxi yinammora dandiineemmo. Ikkirono qaaga hasiissannonkeri no:
Mannu wodanita afa dandiitannori Yihowanna Yesuusaati; ninkera hatti dandoo dinonke.
Yihowa kaaꞌla dandaannokki manchi dino.
5. Bashshi assa hoogano agurranna hayyichanna xiinxalla ikkano hasiissanno. (Mat. 10:16) Mannu ledo heewisantinoonte. Manchu macciishsha hasiꞌrannokkiha ikkiro, woy gawajjaꞌnera dandaannori nooha lawiꞌnero hasaawa shaqqillunni uurrisse.—Law. 17:14.