FAANA GANA
ROSO 7
Ceeꞌma Hooga
Xintu seera: “Barru barrunkunni . . . Kiristoosi Yesuusire rosiisanna Dancha Duduwo kula diagurtino.”—Soq. 5:42.
Phaawuloosi Assinore
1. VIIDIYO laꞌe; woy Soqqamaasinete Looso 19:8-10 nabbabbe. Hakkiinni, aante noo xaꞌmuwa hiince:
Phaawuloosi mitu manni adha giwino daafira hexxo mudha agure, hasatto noonsare kaaꞌlate ceeꞌmikkinni soqqaminohu hiittoonniiti?
Phaawuloosi konne hasatto noo manna rosiisinohu mamoote mamooteeti? Isi tenne assinohu mamooti geeshshaati?
Phaawuloosi Assinorinni Maa Ronseemmo?
2. Manna wirro hasaawinse dancha guma afiꞌratenna Qullaawu Maxaafi xiinxallo hanafisiisate yannanna sharro hasiissanno.
Phaawuloosi Faale Hadhe
3. Dinye manchoho injiitanno yannara amadde. Togo yitine kiꞌneneeto xaꞌme: ‘Roore injaannosihu mamootenna hiikko hasaawisummosirooti?’ Yiino yanna kiꞌnera injiitannota ikka hoogguro nafa, hasaawisate woꞌnaalle.
4. Dinye amadde. Mittu mittunku hasaawi gedensaanni, wirro xaaddine hasaawa dandiitinanni gede dinye amadde. Dinyeꞌne ayirrissine xaaddine hasaawissesi.
5. Hexxo mudhitinoonte. Duucha woyite mine anfannikki manchi woy loosu batiꞌrannosi manchi baalu hasatto dinooho yitine heddinoonte. (1 Qor. 13:4, 7) Hakkoye mancho xaaddine hasaawisate woꞌnaalle; kayi yannaꞌne mulla baꞌannokki gedeno sharramme.—1 Qor. 9:26.