QULLAAWU MAXAAFI XAꞌMONNA DAWARO
Maganu Mangiste dagganno gede huucciꞌra hasiissannonkehu mayiraati?
Maganu Mangisterenna tini Mangiste assitannore roore afa hasiꞌratto?
Maganu Mangiste iimi gashshooteeti. Yesuusi harunsaanosi Maganu Mangiste daggara huuccidhanno gede rosiisinohu, tini Mangiste uullate aana keeraanchimmanna salaame abbitanno daafiraati. Finqille, miico woy dhibba baala huna dandaannohu mannu gashshooti dino; Maganu Mangiste kayinni konne baalanka huna dandiitanno, qolteno huntanno. Maganu Beettosi Yesuusa Mangistesira Nugusa ikkara doorino. Qoleno Yihowa, Yesuusi harunsaano ikkitinori giddo Yesuusi ledo gashshitannore doorino.—Luqaasi 11:2; 22:28-30 nabbawi.
Maganu Mangiste Maganu gashshooti ledo hettisantannore baala muli yanna giddo huntanno. Konni daafira, Maganu Mangiste daggara huucciꞌneemmo wote, mannu gashshooti baalunku baeenna Maganu gashshooti bayicho amado yinanni heeꞌnoommo yaate.—Daanieeli 7:13, 14; Ajuuja 11:15, 18 nabbawi.
Maganu Mangiste mannaho lowore kaaꞌlitanno yineemmohu mayiraati?
Yesuusi wolu baalunkunni roorino Nugusaati; korkaatuno isi manna mararannoho. Isi Maganu Beetto ikkino daafira, kaaꞌlo hasidhe Maganunniwa higge raartannorira baalaho hasiisannonsare assate wolqa noosiho.—Faarso 72:8, 12-14 nabbawi.
Maganu Mangiste daggara woꞌmu wodaninsanni huuccidhannoriranna Maganu fajjo ledo sumuu yite heedhannorira baalaho tini Mangiste kaaꞌlitanno. Qullaawu Maxaafi Maganu Mangiste daafira yaannore rosa gaabbissannota diꞌꞌikkitino.—Luqaasi 18:16, 17; Yohaannisi 4:23 nabbawi.