Qullaawu Maxaafi Mayyaanno?
Maganu baalunku manni huuccatto macciishshanno?
ISI AYEOO HUUCCATTO MACCIISHSHANNO YAATTO . . .
Baalunku mannita
Mitu mannita
Ayetano dimacciishshanno
QULLAAWU MAXAAFI MAYYAANNO?
“Kaaliiqi woshshidhannosirira, woy taxidhe woshshidhannorira baalaho mule no.”—Faarso 145:18.
QULLAAWU MAXAAFINNI WOLERE MAA RONSEEMMO?
Maganu Isira hajajamannokki manni huuccatto dimacciishshanno. (Isayaasi 1:15) Ikkollana, insa hedonsa biddi assidhe kalaqamino coyiꞌra ‘mala hassuro’ isi macciishshannonsa.—Isayaasi 1:18.
Maganu huuccattonke macciishshe dawaro qolannonke gede, fajjosi ledo sumuu yaanno garinni huucciꞌra hasiissannonke.—1 Yohaannisi 5:14.
Huucciꞌra hasiissannonkehu hiitto ikkineeti?
MITU MANNI huuccatto assiꞌneemmo wote gulupha, umo heeshshi yaa, woy ximbiiꞌla hasiissanno yee hedanno. Atera maa lawannohe?
QULLAAWU MAXAAFI MAYYAANNO?
Qullaawu Maxaafi Maganu “ofolle”, ‘uurre’ “uwe” woy barxa yeenna “guluphe” huucciꞌrino manni huuccatto macciishshinota kulanno. (1 Duduwo 17:16; 2 Duduwo 30:27; Izira 10:1; Soqqamaasinete Looso 9:40) Isi hiitto ikkine heeꞌne huucciꞌra hasiissannonkero kultanno higge difushshino.
QULLAAWU MAXAAFINNI WOLERE MAA RONSEEMMO?
Maganu shooshaqu yaano naaxxannokki manni huuccatto macciishshanno.—Faarso 138:6.
Ati baxitto afiinni huucciꞌra woy qoonqo fushshittokkinni huucciꞌra dandaatto.—2 Duduwo 6:32, 33; Nehimiya 2:1-6.