Annuwanna Amuuwa, Oosoꞌne Ammanansa Jawaachishidhanno Gede Kaaꞌlensa

1, 2. (a) Annuwahonna amuuwaho mayi qarra ikkansara dandaanno? Tennera mayi kaaꞌlannonsa? (b) Aanchine ronseemmohu shoolu coyi maati?

FARANSAYETE gobbara heeꞌranno minaanninna minaama togo yiino: “Ninke Yihowa ammanneemmo daafira calla oosonkeno ammantanno yaa diꞌꞌikkino. Ammana raggetenni afiꞌnannire diꞌꞌikkitino. Oosonke ammana lossidhannohu galte hossanniiti.” Mittu Awustiraaliyaho heeꞌranno rodiino togo yiino: “Qaaqqiꞌne ammanasi jawaachishiꞌranno gede kaaꞌla, lowo geeshsha qarrissaꞌnera dandiitanno. Tennera kaaꞌlitannota baalanta qixxaawo horoonsiꞌra hasiissannoꞌne. Qaaqqiꞌne xaꞌmino xaꞌmora dawaro danchu garinni qoltinoonniha lawaꞌnera dandaanno. Kayinni wole yannara hatte xaꞌmo galagale xaꞌmannoꞌne! Qoltinanni dawaro qaaqqiꞌneta afate hasatto techo kassi assitara dandiitannoha ikkirono, gaꞌa hatte hajo daafira lede xaꞌmaꞌnera dandaanno. Mito coye marro marro higgine hasaawa hasiissannoꞌneha ikkara dandaanno.”

² Ooso nooꞌneha ikkiro, insa rosiissine jawaata ammana noonsa manna ikkitanno gede asse lossa, mito wote wolqaꞌnera aleenni ikkitinoꞌneha lawannoꞌne? Noore coyiꞌniro, ninke giddo umisi hayyonni tenne assa dandaannohu dino! (Erm. 10:23) Kayinni biddishsha afiꞌrate alba Maganunniwa hingeemmoha ikkiro, oosonke hakko garinni lossiꞌra dandiineemmo. Xa hanni oosoꞌne ammanansa jawaachishidhanno gede assate kaaꞌlannoꞌneha shoole coye laꞌno: (1) Oosoꞌne seekkitine affe. (2) Yihowa daafira wodaniꞌnera noore rosiissensa. (3) Lawishshunni rosiisse. (4) Cincaaleeyye ikke, hattono huuccatto assidhe.

OOSOꞌNE SEEKKITINE AFFE

3. Annuwunna amuuwu Yesuusi lawishsha harunsa dandaannohu hiittoonniiti?

³ Yesuusi, harunsaanosi mayite ammantannoro xaꞌma diwaajjino. (Mat. 16:13-15) Kiꞌneno isi lawishsha harunse. Qaaqqiꞌne giddosita fushshe coyiꞌranno gede assate injiitanno yannanna bayicho doorre. Tini, qaaqqiꞌne huluullisannosi woy yaachishinosi coye ruxxi yiikki coyiꞌrate kaaꞌlitannosi. Awustiraaliyaho heeꞌrannohu 15 diri rodii togo yiino: “Anniꞌya duucha wote ane ledo ammanaꞌyare kayise hasaawanno; isi ammaneemmo coye buuxeemmo gede kaaꞌlannoe. Isi togo yee xaꞌmannoe: ‘Qullaawu Maxaafi mayyaanno?’ ‘Qullaawu Maxaafi yaannori adda lawannohe?’ ‘Addaho yite ammanatto gede assinoheri maati?’ Anniꞌya isi woy Amaꞌya yitinore lede yaammora ikkikkinni, hatte xaꞌmuwara dawaro umiꞌya yaattonni qolammora hasiꞌranno. Lophanni haꞌrummo kiiro, qoleemmo dawaro seekke xawisammora hasiꞌranno.”

4. Qaaqqiꞌne xaꞌmanno xaꞌmo ajishe laꞌꞌa hasiissannoꞌnekkihu mayiraati? Lawishsha kuli.

⁴ Qaaqqiꞌne mito Qullaawu Maxaafi roso huluullamiro hanqitinoontesi; woy isi togoo xaꞌmo xaꞌmannoꞌnekki gede gargadhitinanni heedhinoonniha lawissinoonte. Cincitine huluullissinosi coye huwatanno gede kaaꞌlesi. Mittu anni togo yiino: “Qaaqqiꞌne xaꞌmanno xaꞌmo mulluri gede assitine laꞌinoonte. Isi kayisino haja mishshine woy qolate saalfachishshinoꞌne daafira agurtine saꞌinoonte.” Qaaqqiꞌne giddosinni xaꞌmanno xaꞌmo, isi hakko coyi daafira hedannotanna afa hasiꞌrannota leellishannori gede asse laꞌꞌa danchate. Yesuusi 12 dirihu heeꞌre nafa lowo geeshsha hasiissino xaꞌmuwa xaꞌmino. (Luqaasi 2:46 nabbawi.) Denimaarkete heeꞌrannohu mittu 15 diri beetti togo yiino: “Ammaꞌnonke addaho yee huluullame xaꞌmummo yannara, tini annaꞌyanna amaꞌya dadillissinoha ikkara dandaanno, kayinni insa dihanqinoe. Insa baalante xaꞌmoꞌyara Qullaawu Maxaafi giddonni dawaro qolinoe.”

5. Annuwunna amuuwu oosonsara kaajjado ammana noonsaha lawinsarono maa assa hasiissannonsa?

⁵ Oosoꞌne seekkitine affe, yaano hedonsa, macciishshamannonsarenna huluullisannonsa coye buuxxe. Isa songote gambooshshe hadhannohuranna kiꞌne ledo soqqansho fultinohura calla ammana noonsa yitine heddinoonte. Barru baala insa ledo ayyaanaamittete coye hasaabbe. Oosoꞌne ledo mitteenni huuccidhe; hattono insa daafira huuccatto asse. Ammanansa fonqolannohu hiittoo coyi iillannonsaro huwatate woꞌnaalle; hattono hakkonne fonqolo qeeltanno gede kaaꞌlensa.

YIHOWA DAAFIRA WODANIꞌNERA NOORE ROSIISSENSA

6. Annuwunna amuuwu Qullaawu Maxaafi halaale wodaninsara wodhansa, oosonsa rosiisate kaaꞌlitannonsahu hiittoonniiti?

⁶ Yesuusi rosiisannore mannu macciishshe adhanno gede assinori, Yihowa, Qaalesinna manna baxannoha ikkasiiti. (Luq. 24:32; Yoh. 7:46) Hatteente gede annuwunna amuuwu oosonsa insa rosiissanno roso adhitanno gede assate oosonsa baxa kaaꞌlitannonsa. (Marro 6:5-8; Luqaasi 6:45 nabbawi.) Konnira annuwanna amuuwa, Qullaawa Maxaafanna borruwanke seekkitine xiinxalle. Qoleno, Maganu kalaqo daafira seekkitine xiinxalle; hattono borruwankera fultannota tenne hajo xawissanno birxichuwa haja assitine nabbabbe. (Mat. 6:26, 28) Hatto assaꞌne egennoꞌne lexxitanno gede, Yihowa kalaqinore albinni roore dhagge assidhinanni gedenna oosoꞌne rosiisate roore qixxaabbinanni gede kaaꞌlitannoꞌne.—Luq. 6:40.

7, 8. Annuwunna amuuwu Qullaawu Maxaafi halaale seekke afansa maaho kaaꞌlitannonsa? Lawishsha kuli.

⁷ Qullaawu Maxaafi halaale seekkitine afaꞌne, maateꞌne ledo hasaawate kakkaꞌinanni gede assitannoꞌne. Hatto assitinannihu songote gambooshshira qixxaabbinanni wote woy maatete magansiꞌra assidhinanni yannara calla diꞌꞌikkino. Qoleno, banxummorono baxa hoongummorono tenne assa hasiissannonke yitine heddinoonte; mullu hasaawiꞌne giddo togoore kayissine coyiꞌra dandiitinanni. Ameerikaho heeꞌranno minaanninna minaama, maatensa kalaqo laꞌannonna sagale ittanno wote Yihoware heddanno. Insa togo yiino: “Yihowa ninkera uyino coyi baalu isi ninke baxannonketanna ninke daafira hedannota leellishannota oosonke huwattanno gede assineemmo.” Wodiidi Afirikira heeꞌranno minaanninna minaama lamu seenninsa ledo muro shuquꞌnanno wote, gumu muranno garinna muro lophitanno gari dhagge ikkinota coyiꞌranno. Insa togo yiino: “Seenninke kalaqamu dhagge ikkinotanna, lowo geeshsha xurqa ikkinota huwatanno gede assate woꞌnaalleemmo.”

⁸ Awustiraaliyaho heeꞌrannohu mittu anni Maganohonna kalaqamaho noosi ammana jawaachishate, tonnu diri qaaqqosi donu woy muuzeemete minira haare haꞌrino. Isi togo yiino: “Hakko Amenooyidi nna Tirayilobayeti yinanniha biꞌree waro baaru giddo heeꞌranno kalaqami biso laꞌnummo. Kuni xa gobbate aaninni baino kalaqami lowo geeshsha baxisannoha, kalaqamino gari xurqa ikkinotanna xa noo kalaqamiwiinni xeinori nookkita laꞌnummoti dhagge assiꞌnummo. Heeshshote noo kalaqami suutu soorronni dayinoha ikkiro, kuni hunda heeꞌrino kalaqami xurqa ikkinohu mayiraatiyya? Coyi lowo geeshsha dhagge ikkinoe daafira tenne qaaqqiꞌyara kulummo.”

LAWISHSHUNNI ROSIISSE

9. Lawishshunni rosiisa mayi horo afidhino? Mitte ama assitinori tenne leellishshannohu hiittoonniiti?

⁹ Yesuusi hendanni gede assitannota, wodanaho coꞌannotanna roso qaagate kaaꞌlitanno lawishshuwa duucha hige horoonsiꞌrino. (Mat. 13:34, 35) Ooso mitto coye ikkinohu gede assite hedate dandoo noonsa. Konni daafira annuwanna amuuwa, oosoꞌne rosiissinanni wote lawishsha horoonsidhe. Jaappaanete heedhannoti mitte ama hatto assitino. Lame oosose settunna tonnu diriri heedheenna, uulla gangeessitino ayyare daafiranna Yihowa ayyare kalaqino gari ninkera hedannota leellishshanno gara rosiissinonsa. Ise tenne rosiisate insara ado, sukkaarenna buna uyitu. Hakkiinni lamunku addi addinni adote buna gaffannose gede assitu. Ise togo yitino: “Insa qorophite gaffino. Konni garinni qorophite gaffinohu mayiraatiro xaꞌmummansata, bunu ani baxeemma gedeeha ikkara hasidhinohura ikkinota kultue. Konne lawishsha Maganu ayyare seekke hede, hattono ninkera hasiisanno garinni kalaqinota xawisate horoonsiꞌroomma.” Tini rodoo horoonsidhino lawishshi insa qaaqquulle ikkitino daafira insara malinoho; kuni lawishshi ise afuunni calla rosiissoommensaro huwata dandiitannokkire huwattanno gede kaaꞌlinonsa. Konni lawishshinni rossino roso horo dihabbanno!

10, 11. (a) Qaaqqiꞌne Maganoho noosi ammana kaajjishiꞌranno gede hiikkonne lawishsha horoonsiꞌra dandiitinanni? (Hanafote noo misile lai.) (b) Danchu garinni rosiisate kaaꞌlinohe lawishshi hiikkonneeti?

¹⁰ Qaaqqiꞌne Maganoho noosi ammana jawaata ikkitanno gede assate, sagale loonsanni gara kulanno biddishsha horoonsiꞌra dandiitinanni. Hiittoonni? Keeke woy busukuute gantinihu gedensaanni, sagale qinshanni gara kulanno biddishsha harunsa maaho kaaꞌlitannoro kullensa. Hakkiinni qaaqqiꞌnera poome woy wole laalo uyitine togo yitine xaꞌme: “Tenne poome kalaqate ‘biddishshu’ hasiisinota afootto?” Poome lamewa murtine kaꞌine giddonni guma haadhine qaaqqiꞌnera uyiyye. Hakkiinnino hakko gumi giddo poome kalaqate kaaꞌlino biddishshi nootanna kuni biddishshi sagale qinshanni gara kulanno biddishshinni roore xurqa ikkinota xawisse. Togo yitine xaꞌma dandiitinanni: “Keeke gannanni gara kulanno biddishsha borreessino manchi heeꞌri geeshsha, poome kalaqantanno gede assinoha roore xurqa ikkino biddishsha worinohu ayeti?” Qaaqqiꞌne naggi yiinoha ikkiro kayinni, poomete gumi giddo poome laaltanno haqqicho daafira kultanno mashalaqqe nafa noota xawissesi. Tenne hajo daafira kulannoha roore lawishsha laꞌꞌate, Heeshshote Kaima—Dawaronsa Afa Hasiissannota Onte Xaꞌmuwa (Amaaru Afoo) yitanno biroshere qoola 10 kayissine 20 geeshsha nabbawa dandiitinanni.

¹¹ Batinyu annuwinna amuuwi, Baqqi Yiiyye! yinanni metseetera fulannoha “Kalaqinohu No?” yaanno birxicho oosonsa ledo hasaawa baxanno. Woy insa shiimmaaddu qaaqquullinsara togoore shotunni rosiisate konne birxicho kaima asse horoonsiꞌranno. Lawishshaho Denimaarkete heeꞌranno anninna ama horophilla ceate ledo heewisiisanno. Insa togo yiino: “Horophillu ceate gedeeho. Kayinni horophillu quuphe qale wole isi gedeeha shiimmaadda horophilla dadhannoni? Ceate horophillu gede marte dirritannowi baxxino bayichi hasiisannonsani? Horophillu huuro ceate huuro ledo heewisiisi. Roore egennaamu horophilla seekki manchootinso cea kalaqi Kalaqaanchooti?” Togoo hedonna dancha xaꞌmo oosoꞌne ‘buuxate’ woy hedate dandoonsa lossidhanno gedenna Maganoho noonsa ammana kaajjishidhanno gede kaaꞌlitannonsa.—Law. 2:10-12.

12. Qullaawa Maxaafi giddo borreessinoonniri baalu gara ikkinota lawishshunni xawisa dandiitinannihu hiittoonniiti?

¹² Lawishshunni rosiisa qaaqquulleho Qullaawu Maxaafi gara ikkinota rosiisateno kaaꞌlitanno. Lawishshaho Iyyoobi 26:7 laꞌno. (Qumeeshsha nabbawi.) Konne qummeeshsha Maganu ayyaaninni borreessinoonnita xawisa dandiitinannihu hiittoonniiti? Tenne hedo borreessiisinohu Magano ikkinota kultine calla agurtinanniha ikkara dandaanno. Kayinni hatto assantenni, qaaqqiꞌne hedanno gede assate mayira diwoꞌnaaltinanni? Iyyoobi heeꞌrinohu xeertote noore leellishannohu teleskoppe woy wolu hattoo uduunni nookki yannara ikkinota qaaqqiꞌnera kullesi. Qaaqqiꞌne hatte yannara uulla mullawa rarraꞌino yee heda, ammanate qarrissannota xawisanno gede assa dandiitinanni. Qaaqqiꞌne tenne lawishshunni xawisate kaase woy kinchu irkisinori nookkiha mullawa uurra dandaannokkita horoonsiꞌra dandaanno. Konni garinni rosiisa, qaaqqiꞌne uulla irkisinori nookkiha rarraꞌanno gede assinoricho mannu ooso buuxxara lowo yanna albaanni Yihowa Qullaawu Maxaafi giddo borreessamanno gede assinota huwatanno gede kaaꞌlitasira dandiitanno.—Neh. 9:6.

QULLAAWU MAXAAFI SEERI AFIꞌRINO HORO LAWISHSHUNNI ROSIISSE

13, 14. Annuwunna amuuwu oosonsa Qullaawu Maxaafi seeri afiꞌrino horo huwattanno gede assa dandiitannohu hiittoonniiti?

¹³ Oosoꞌne Qullaawu Maxaafi seeri afiꞌrino horo huwattanno gede assa lowo geeshsha hasiissanno. (Faarso 1:1-3 nabbawi.) Tenne babbaxxitino doogganni assa dandiitinanni. Lawishshaho oosoꞌne, maateꞌne mitte giddicho haꞌrate kaꞌinohu gede assite heddanno gede asse; insa hakko ledonsa heeꞌrannoha boode manna doodha hasiissannonsa. Hakkiinnino togo yitine xaꞌme: “Baalunku mitteenni sumuu yee heeꞌrate hiittoo akatta noonsare ikka hasiissannonsa?” Qoleno, Galatiyu Sokka 5:19-23 giddo qummi assinoonni akatta oosoꞌne ledo hasaawa dandiitinanni.

¹⁴ Konni garinni lame lowo geeshsha hasiisanno coye rosiisa dandiitinanni. Umihunni, Maganu sumuu yinenna salaametenni heeꞌnammora hasiꞌranno. Layinkihunni, Yihowa xa salaametenni heeꞌneemmo gede rosiise, haaro alamera qixxaambeemmo gede assanni noonke. (Isa. 54:13; Yoh. 17:3) Oosoꞌne tenne huwattanno gede assate, borruwanke giddonni mitto woꞌnaalsha doortine horoonsiꞌra dandiitinanni. Tennera kaaꞌlanno woꞌnaalsha Agarooshshu Shaera fulannohu, “Qullaawu Maxaafi Mannu Heeshsho Soorre Biddi Assanno” yaanno birxichi giddo afiꞌra dandiitinanni. Woy songoꞌne giddo Yihowa hagiirsiisate yee heeshshosi giddo lowore biddi assiꞌrinohu heeꞌriro, iso koyissine woꞌnaalshasi kulannoꞌne gede assa dandiitinanni. Hattoo woꞌnaalshi Qullaawu Maxaafi seera harunsa afidhino horo xawise leellishanno!—Ibi. 4:12.

15. Oosoꞌne rosiissinanni wote maa assa hasiissannoꞌne?

¹⁵ Oosoꞌne rosiissinanni wote ceeꞌmitanno gede assitinoonte. Hedate dandooꞌne horoonsidhe. Insa heddanno gede asse; hattono dironsa hedde. Baxisannonna ammanansa jawaachishanno garinni rosiisse. Mittu anni togo yiino: “Albaanni rosiissinoonninsa coye wolu garinni rosiisate sharrama agurtinoonte.”

AMMANA NOOꞌNETA LEELLISHSHE, CINCE, HATTONO HUUCCATTO ASSIDHE

16. Ooso rosiinsanni yannara cinca hasiissannohu mayiraati? Lawishsha kuli.

¹⁶ Ammana jawaachishiꞌrate qullaawu ayyaani kaaꞌlo hasiissanno. (Gal. 5:22, 23) Lubbo noori lophate yanna hasiissannonte gede ammanano lophitanno gedeno yanna hasiissanno. Hakko daafira oosoꞌne rosiissinanni wote cincanna agurtinikki rosiisa hasiissannoꞌne. Jaappaanete heeꞌrannohu lame ooso afiꞌrino anni togo yiino: “Minaamaꞌyanna ani oosonke ille worre towaaxxineemmo. Insa anje noo yannanni kayise, songote gambooshshi noonke barra agurranna barru baala 15 daqiiqa rosiiseemmonsa. Tonaa onte daqiiqa ninkeno dihoongeemmo; insarano dibatiꞌranno.” Mittu woradu aliidi laꞌꞌaanchi togo yiino: “Wedellichu noommo yannara coyiꞌre fushshiꞌra hoogummorono giddoꞌya lowo xaꞌmonna huluullo nooe. Gale hosanni, gambooshshunniwa woy maatete magansiꞌra yannara woy hojju xiinxallo assiꞌreemmo yannara xaꞌmuwaꞌyara dawaro afiꞌroommo. Annuwunna amuuwu oosonsa rosiisa agura hasiissannonsakkihu iseraati.”

17. Annuwunna amuuwu oosonsara dancha lawishsha ikka hasiissannonsahu mayiraati? Mittu minaanninna galtesi seenninsara dancha lawishsha ikkinohu hiittoonniiti?

¹⁷ Oosoꞌne rosiisate kaaꞌlannoꞌnehu wolu coyi kiꞌne umiꞌne ammanatenni lawishsha ikkate. Oosoꞌne assitinannire laꞌanno; tini qolte insa kiꞌnewiinni danchare rossanno gede kaaꞌlitannonsa. Konni daafira annuwanna amuuwa, ammanaꞌne jawaachishiꞌra agurtinoonte. Oosoꞌne Yihowa ledo nooꞌne jaaloomi mageeshshihoro huwattanno gede asse. Bermuda yinanni giddichora heeꞌranno minaanninna minaamara qarru tuncu yiinsa yannara, insa Yihowa biddishsha afiꞌrate oosonsa ledo huuccatto assiꞌrino; hattono oosonsa uminsa tenne hajore kayisse huuccitanno gede jawaachishinonsa. Insa togo yiino: “Bayira beettonke togo yine amaallummose: ‘Yihowa woꞌmunni woꞌma addaxxi; isira jaatanaabbe soqqami; qoleno quwa saꞌe yaaddooti.’ Ise Yihowa huuccattonkera dawaro qolinota laꞌꞌase, isi kaaꞌlanni noonketa huwattanno gede assitinose. Tini Maganohonna Qullaawu Maxaafira noose ammana lexxitanno gede assitino.”

18. Annuwunna amuuwu dea hasiissannonsakki coyi maati?

¹⁸ Oosoꞌne ammanansa jawaachishidhanno gede giddeessitine diaffinanni. Kayinni annuwanna amuuwa ikkitinoonni daafira, kaasanna waa hayikkisa dandiitinanni. Lossannohu Magano callaho. (1 Qor. 3:6) Konni daafira, ayyaanasi aannoꞌne gede huuccatto assidhe; hattono muxxe oosoꞌne rosiisate dandaamiꞌnere baala asse; hatto assitiniro Yihowa maassiꞌrannoꞌne.—Efe. 6:4.