Maganunniti Dhaggete Kalaqo Ayirrinyesi Leellishshanno
Lowo manni kalaqo laꞌꞌanno wote hagiidhanno. Ikkollana kalaqo Bayiru Kalaqaanchinke hedonna akata xawissannota huwatannohu shiima mannaatilla. (Ro. 1:20) Biꞌree waro Daawiti Yihoware Qullaawu Qaalisi widoonni tamaarino. Daawiti kalaqote widoonnino Yihowa ‘laino,’ hattono isi ledo albinni roore fiixoomino. (Far. 8:3, 4) Maganunniti Dhaggete Kalaqo Ayirrinyesi Leellishshanno yitanno viidiyo ninke uminke, qaaqquullinkenna Qullaawa Maxaafa ninke ledo xiinxallitannori, Yihowa kalaqo hixamanyine laꞌneemmo gedenna Bayiru Kalaqaanchinke akattanna ayimma anfeemmo gede kaaꞌlitannonke. Tini qolte albinni roore isiwa shinqeemmo gede assitannonke. Tenne viidiyo laꞌini gedensaanni aante noo xaꞌmuwara dawaro qolate woꞌnaalle.
(1) Kalqete alame halaꞌlinyinna siraati Yihowa lowo geeshsha dhaggeeffanteemmo gede assannonkehu hiittoonniiti? (Isa. 40:26) (2) Waa xunsine laꞌnummoro waa kalaqino Maganire maa ronseemmo? (Aju. 14:7) (3) Uullate jilbinna arrishshotewiinni noose xeertinyi Yihowa hayyore maa rosiisannonke? (4) Aganu mayi xiqime afiꞌrino? (Far. 89:37) (5) Yihowa mannu heeꞌranno heeshshonni hagiidhanno gede asse kalaqinohu hiittoonniiti? (6) Dii-Enni-Ee (DNA) maati? (Far. 139:16) (7) Mannu ooso, baalante Yihowa kalaqonni baxxitannohu mayinniiti? (Kal. 1:26) (8) Haaro alamera heeꞌrate halchattohu mayiraati?
Guwuursha: (9) Addi addi kuuli kalaqamannohu hiittoonniiti? (10) Wayi uullate goshoosho dandee haqqete guunxo marannohu hiittoonniiti? (11) Wayi mannimmanke giddo eꞌꞌe maricho assanno? (12) Lubbote noo kalaqo mimmitu ledo sumuu yite heedhannota leellishannoha mito mito lawishsha kuli. (13) Kalaqo mimmitu ledo buusamenna kaaꞌlame heeꞌra rossinohu hiitto ikkiteeti? (14) “Dhaggete angile” maati? Tini angile kalaqote aana leeltannohu hiittoonniiti?
Yihowa Kalaqo “Hixamanyitine Laꞌe”: Yesuusi “iimi cea hixamanyine laꞌneemmo” gedenna “xawu daraaro hiitto ikkite lophitannoro wodanchine laꞌneemmo” gede amaalinonke. (Maat. 6:26, 28) Hatto assineemmoha ikkiro ammananke jawaattanno, Kalaqaanchonke albinni roore addaxxineemmo, hattono Yihowa hayyo, gatisate wolqasinna baxxillesi dhaggeeffanteemmo. Mannu ooso loossinore danna saꞌne maalaꞌlantenni Yihowata dhaggete Kalaqo dhaggeessiꞌratenna tini Kalaqo Maganinkere maa rosiissannonkero heeshshi gotti asse hedate yanna gaaꞌmino.—Far. 19:1.