Leeltannokkita Maganu Akatta Laꞌinanni?

Biifado awawa, beeddahe woꞌmitino gordo hattono luulanni dirranno fooncho laꞌinanni woyite Kalaqaanchu looso ikkinota wodanchitinanni? Qooxeessinkera noo kalaqami leeltannokkita Yihowa akatta leellishanno. (Ro 1:20) Illenkenni laꞌnoommore taxxi yine hende, Maganu wolqa, baxillesi, hayyosinna taashshosi hattono shaqqillesi huwanteemmo.—Fa 104:24.

Barru baala laꞌinannihu mitu Yihowa kalaqami maati? Heedhinannihu katamaho ikkiro nafa, ceanna haqqe laꞌꞌa dandiitinanni. Yihowa kalaqama seekkine laꞌꞌanke quwa saꞌne yaandeemmokki gedenna roore hasiisanno coyi aana illachinsheemmo gede kaaꞌlitannonke; hattono isi hegerera towaatankera dandaannota albinni roore ammanneemmo gede assitannonke. (Mt 6:25-32) Qaaqquullu nooꞌneri, qaaqquulliꞌne taalle nookkita Yihowa akatta laꞌanno gede kaaꞌlensa. Qooxeessinkera noo kalaqama albinni roore naandeemmoha ikkiro Kalaqaanchinkewa shinqeemmo.—Fa 8:3, 4.

MAGANUNNITI DHAGGETE KALAQO AYIRRINYESI LEELLISHSHANNO—XAWAABBANNA KUULA YITANNO VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• Addi addi kuula laꞌneemmohu mayiraati?

• Mitu kuuli laꞌneemmo ragi garinni sorramannohu mayiraati?

• Gordoho nooha addi addi kuula laꞌneemmohu mayiraati?

• Miniꞌne mule laꞌinannihu biifado kuula afiꞌrino kalaqami maati?

• Kalaqama seekkine laꞌꞌate yanna gaaꞌma hasiissannonkehu mayiraati?