Yihowa Farciꞌraasineta Loosunni Leeltino Ammana, Gafa 1: Tunsichu Giddonni Fula
Qullaawu Maxaafi xawaabba halaalu ledo, tunsicho kayinni kaphu ledo xaadisanno. (Far. 43:3; Isa. 5:20) Sheexaanu Heewani soꞌrisiisi yannara, alamete aana tunsicho abbino; gedensaannino xiꞌmote tunsichi alame gudise amadanno gede assino. (Aju. 12:9) Yihowa Farciꞌraasineta Loosunni Leeltino Ammana, Gafa 1: Tunsichu Giddonni Fula yinanni viidiyo, ayyaanaamu xawaabbi deerru deerrunni tunsichu giddonni fula jammarino gara kultanno. (Isa. 60:1, 2) Tenne viidiyo laꞌini gedensaanni, aante noo xaꞌmuwara dawaro qolate woꞌnaalle.
(1) Hawaariyaate reyite gooffu gedensaanni, tunsichu lexxanni haꞌrinohu hiittoonniiti? (2) Mannu, beetekiristaanna halaale rosiissannokkita huwatanno gede assitannoti, 1100 kawa mayi ikkito ikka jammartu? (3) Henirii Giriwunna Jiyorji Istoorzi ayeooti? (4) Charlesi Raasili heeshsho aana lowo soorro abbitinoti hiittee ikkitooti? (5) Roduu Raasili, hattono annisinna gama jaallasi Qullaawa Maxaafa xiinxallitannohu ma garinniiti? Qullaawa Borro xiinxallonsanni maa huwattino? (6) Qullaawa Maxaafa xiinxallitannoti tini gaamo Nelseni Baarberi gaamo ledo karsantinohu mayiraati? Roduu Raasili kayinni agure fulinohu mayiraati? (7) Maaja 1879nni ayyaanaamu xawaabbi haaro ikke xawa jammaranno gede assannori mayi maikkino? (8) Lophitanni hadhinoti Qullaawu Maxaafi Rosaano dancha duduwo halashshate hakkuyi gedensaanni ma assitino? (9) Seeda yanna albaanni Qullaawu Maxaafi rosaano 1914nni mayi maikkanno yite agartino? (10) Roduu Raasili reyihu gedensaanni Qullaawu Maxaafi Rosaanora mayi qarri tuncu yiinonsa? (11) Roduu Raazerifoordinna miillasi usuru mininni fultu gedensaanni Qullaawu Maxaafi rosaano ma assitu? (12) Tenne viidiyo laꞌꞌakki Yihowa dirijjite albinni roore afatto gedenna dhaggeessiꞌratto gede assitinohehu hiittoonniiti? (13) Tini viidiyo guficho ikkannori heeꞌreennanni diinaggaabbe sabbakate albinni roore qodhite kaꞌꞌatto gede assitinohehu hiittoonniiti? (14) Tenne viidiyo fiixanke, Qullaawa Maxaafa xiinxallinseemmorenna woloota kaaꞌlate horoonsiꞌra dandiineemmohu hiittoonniiti?
Hunditi Qullaawu Maxaafi Rosaano lowo geeshsha muxxe ikkitinota ayyaanaame jiro ragisiissinonke! Insa ayyaanaamittetenni tunsichu giddo noo alamera worbimmatenni diinaggaabbe xawaabba xawissino. Ninkeno insa lawishsha harunsino, hattono “xawaabbu ooso ikkine heeꞌra agurroonke.”—Efe. 5:8.