Wedellu Xaꞌmanno Xaꞌmo—Heeshshoꞌyanni Ma Assummoro Woyyanno? (Gafa 1)
Wedellu lophanni haꞌranno wote, lowo geeshsha hasiissanno wussaane wossaꞌnansa digattanno. Konnira insa kaaꞌlate qixxeessinoonniti, ‘Wedellu Xaꞌmanno Xaꞌmo—Heeshshoꞌyanni Ma Assummoro Woyyanno?’ yinanni viidiyo no. Tenne viidiyo giddo, “Play Drama” (diraama fani) yaanno birxicho doortine laꞌinihu gedensaanni, layinki gufora noo xaꞌmuwara dawaro qolle. Aantete “Interviews” (qaalu xaꞌmuwa) nna “Looking Back” (saꞌinore qaaga) yitanno birxichuwa doortine laꞌinohu gedensaanni, sayikki gufora noo xaꞌmuwara dawaro qolle.
Diraama: (1) Ximootewosi heeshsho yannankehu Kiristaanu wedelli heeshsho labbannohu ma garinniiti? (2) Andire ispoortete dancha guma afiꞌranno gede xixxiimboonnisihu hiittoonniiti? (3) Roduu Fileesigi woroonni noo coyibba daafira Andirera kulinosiri maati: (a) Meessaneeto Yihowarano ispoorteteno sayise aate daafira? (Maat. 6:24) (b) Addu hagiirre afiꞌrate daafira? (c) Usurami wari diste maa qaaganno gede assitinosiro? (d) Fotote aana Isinna galtesi ledo noo mannire? (e) Ispoortete noosi hasatto agurasi gaabbissinosironna teꞌee? (Fil. 3:8) (4) Andire, “Ispoortete maccaha ikkummoro qarru nooni?” yee xaꞌmita, ahaahesi mayite dawartu? (Luq 4:5-7) (5) Andire qolchanshote qeelasi addu hagiirre afiꞌrate kaaꞌlitinosi? (6) Roduu Fileesigi goofimarchoho Andirera borreessino sokka, xaggeessiꞌratto gede assitinohehu hiittoonniiti? (Law. 10:22) (7) Roduu Fileesigi Andire kaaꞌlate maa assino?
Saꞌinore Qaaga: (8) Mittu rodiinna mitte rodoo mayi mixo noonsa? Mayira? (9) Hasattonsa wonshidhinohu hiittoonniiti? (10) Lamunku roduuwi mixonsa soorridhanno gede assinonsari maati? (2 Qor. 5:15) (11) Alba noonsa mixo hiittee ayyaanaame mixonni soorridhino? Lamenta mixo mitteenni harunsine dianfanni yitanno hedo giddonsa kalaqantinohu mayiraati? (12) Mixonsa Soorrira gaabbitanno gede assitinonsa? (13) Insa coyidhinori ati heeshshokki xaqqaꞌmatto gara roorenka assaawatto gede assinoheri maati?
Wole qaalu xaꞌmuwanna viidiyote giddo nooreno laꞌe; hattono aantanno saammintehu Soqqanshote Gambooshshira hasaambanni wote dawaro qolate qixxaabbe.