Wedellu Xaꞌmanno Xaꞌmo—Heeshshoꞌyanni Ma Assummoro Woyyanno? (Gafa 2)
Wedellu Xaꞌmanno Xaꞌmo—Heeshshoꞌyanni Ma Assummoro Woyyanno? yinanni viidiyora qaru doorshi giddonni, umo “Interviews” (qaalu xaꞌmo) yaannoha, aantete “Sections” (kifilla) yaanno birxicho doorte lai. “Sections” yaanno birxichi hunda nooha sase gafa laꞌinihu gedensaanni, woroonni gufo lamete noo xaꞌmuwa killasu xaꞌmuwa gede assite horoonsiꞌri. Hakkiinnino, qaru doorshi giddonni “Supplementary Material” (ledote kifile) yaanno birxichi hunda noota onte qaalu xaꞌmo laittohu gedensaanni, woroonni gufo sasete aana noo xaꞌmuwa killasu xaꞌmuwa gede assite horoonsiꞌri.
Kifilla—Ateneeto Sayisse Aattohu Haafu Coyiꞌraatinso Maganohooti: (1) Wedellu harunsara xixxiimbanninsahu mitu mitu haafu coyi hiikkonneeti? (2) Umi Yohaannisi 2:17, wedellu mageeshsha rosiro woyyannonsaro wossaꞌnate kaaꞌlitannonsahu hiittoonniiti? (3) Waajja cuuammeemmokki gede assitankera wodha hasiissannonkekkihu mayiraati? (4) Cuuamate guuta ikkate kaaꞌlannonkehu mitu mitu coyi maati? Soqqanshotenni Hagiirre Afiꞌnanni Gara Rosa: (5) Mitootu soqqanshonsanni hagiidhitannokkihu mayiraati? (6) Soqqanshonkenni hagiidhineemmo gede kaaꞌlannonkehu mitu mitu coyi maati? (7) Mito mito roduuwa egentinokki manna hasaawisa roore waajjitanno gede assannonsari maati? Mayira? (8) Waajja qeelanna daffaarre coyiꞌra dandiineemmohu hiittoonniiti? (9) Soqqanshote kaaꞌlitanno dandoo lossiꞌra danchate yineemmohu mayiraati? Soqqanshote Faꞌnamino Waalcho: (10) Suwisaancho ikke soqqama lowo manna ayyaanaamittetenni lophanno gede kaaꞌlitinohu hiittoonniiti? (11) Mitootu suwisaancho ikka waajjitannohu mayiraati? (12) Woxu daafira yaandeemmokki gede kaaꞌlannonkehu mitu mitu Qullaawu Maxaafi seeri hiikkonneeti? (13) Mitootu suwisaancho ikkite heedhenni, hasiisannonsa woxe afiꞌrate maa assitino? (14) Heeꞌnoommo gari woꞌma yanna soqqansho eate fajjannonkekkiha ikkiro ma assa dandiineemmo?
Ledote Kifilla—Gillete Xiinxallo Afidhino Waaga: (15) Gillete xiinxallo ganyine xiinxalla hasiissannohu mayiraati? Wolu Garinni Farciꞌra (Xa, ‘Faajjete farciꞌra’ yinanni): (16) Babbaxxino garinni soqqama, hagiirre afiꞌrate kaaꞌlitannonkehu hiittoonniiti? Beeteelete Soqqansho: (17) Beeteelete soqqansho hagiirsiissanno gede assannori maati? Soqqamaano Qajeeltanno Rosi Mine (xa, ‘Seenne Adhitinokki Roduuwira Qixxaawinohu Qullaawu Maxaafi Rosi Mine’ yinanni): (18) Konni rosi mine qajeeltinori horo afidhinohu hiittoonniiti? Giiliyaadi Qullaawu Maxaafi Rosi Mine: (19) Piterinna Fiyoona misiyoone ikkate ma assitino? Giiliyaadi eansa xaqqantinonsahu hiittoonniiti?