Maganu Qaali Wolqa Afiꞌrinoho

1. Lamu kuminna tonaa shoolu soqqanshote dirihu baxxino gambooshshi cuꞌmo mayitanno?

¹ Qullaawu Maxaafi hedonkenna heeshshonke Yihowa fajjo ledo sumuu yitanno gede asse woyyeessate wolqa afiꞌrino; guuntete xeꞌne noonsari mannu ooso togoo woyyimma abbite diaffanno. Ikkina, Maganu Qaali afiꞌrino wolqa mageeshshite? Maganu Qaali afiꞌrino wolqa heeshshonke giddo woꞌmunni woꞌma loossanno gede assiꞌra dandiineemmohu hiittoonniiti? Woloota kaaꞌlate albinni roorino garinni horoonsiꞌra dandiineemmohuna hiittoonniiti? Lamu kuminna tonaa shoolu soqqanshote dirihu baxxino gambooshshira kuri xaꞌmuwara qollanni dawaro ayyaanaamitteꞌne jawaachishshannota dihuluullammeemmo. “Maganu Qaali Wolqa Afiꞌrinoho” yitannota konni gambooshshi cuꞌmo haaꞌnoonnihu Ibiraawuyaani 4:12⁠te aaninniiti.

2. Hiikkuri xaꞌmuwara qollanni dawaro seekkine macciishsha hasiissannonke?

² Aante Noo Xaꞌmuwara Dawaro Afiꞌrate Woꞌnaalle: Gambooshshu pirogiraame macciishshitinanni wote aante noo xaꞌmuwara dawaro borreesse adhate woꞌnaalle.

• Yihowa Qaale addaxxa hasiissannonkehu mayiraati? (Far. 29:4)

• Maganu Qaali afiꞌrino wolqa heeshshonke giddo loossanno gede assiꞌra dandiineemmohu hiittoonniiti? (Far. 34:8)

• Soqqanshonke yannara Maganu Qaali afiꞌrino wolqa loossanno gede assa dandiineemmohu hiittoonniiti? (2 Xim. 3:16, 17)

• Sheexaanu alameti dogate wolqa kartannonkekki gede qoropha dandiineemmohu ma garinniiti? (1 Yoh. 5:19)

• Wedella, ayyaanaamittetenni seekkino heeshsho heeꞌrate kaaꞌlannoꞌneri maati? (Erm. 17:7)

• Daafurreemmo wote nafa wolqaataamma ikka dandiineemmohu hiittoonniiti? (2 Qor. 12:10)

• Busha dooꞌꞌonna gade ledo sharrammanni keeshshinoommoha ikkiro nafa, yannate kiiro woyyaambanni haꞌrate kaaꞌlannonkehu qaru coyi maati? (Efe. 4:23)

3. Pirogiraame macciishshine afiꞌneemmo horono agurranna baxxino gambooshshi wole mayi faro fanannonke?

³ Tenne lowonta hasiissanno pirogiraame macciishshinummoro afiꞌneemmo horo baete! Qoleno baxxino gambooshshi, woradunna awuraajju gambooshshinte gede wole songo roduuwinke ledo baxillenke halashshiꞌratenna mitteenni hagiirsiissanno yanna sayisate faro fanannonke. (Far. 133:1-3; 2 Qor. 6:11-13) Konni daafira albi jaallaꞌne ledo xaaddine hasaawatenna haaro jaalla kalaqiꞌrate yanna gaaꞌme. Sinu biiro riqiwaanchi lawishshaho, awuraajju aliidi laꞌꞌaanchi woy Beeteeletenni sonkeenna daanno rodiinna galtesi ledo egennantiniro danchaho. Addaho, daannoha baxxino gambooshshe quqquxamme agadhineemmo gede assannonkehu haammatu korkaati noonke!