jw.org Soqqanshote Horoonsidhe—“Yihowa Jaala Ikki”

jw.org aana “Qullaawu Maxaafi Rosiisannore” yaanno birxichi hunda noohu “Yihowa Jaala Ikki” yaannohu qaaqquulleho qixxaawino gafi, faarso, addi addi viidiyonna, rosiishshuwa amadino. Konne gafa soqqanshote horoonsidhe egennootto? Qullaawa Maxaafa xiinxallisatto manchi qaaqquullu noosiha ikkiro, konne gafa mayira dileellishattosi? Hatto assakki webisayitenkeha wole gafano laꞌꞌanno gede kakkayissasira dandiitanno.

Mittu rodii Mangistete Duduwo Kiiro 38, tuqisanni heeꞌre mitte manchonni xaadi; isi tenne tiraakte uyiseta ise hakkawontenni nabbawa jammartu. Hatte manchora haammatu qaaqquulli noose; kuri qaaqquulli hatte tiraakte daafira lowonta afa hasidhino. Roduu tiraakte amaddinore haranse kule, tiraaktete badheenni worroonnita webisayitenke teesso leellishise. Manchote hasatto nooseta laino daafira, mobayilesinni, Kaaleebi viidiyubba giddo mitte fane iseranna qaaqquullisera leellishino.

Mitte rodoo ledose loossannote qaaqquulle afidhino manchora webisayitenkenna hakko worroonnire maatete kaaꞌlannore kultuse. Hakkiinni tini mancho qaaqquullise ledo jw.org daaꞌꞌattu. Gedensaanni, qaaqquullise mine godoꞌlitanno wote “Yihowa Jaala Ikki” yaanno gafi hunda worroonni faarsuwa giddo “Qaale Sabbaki” yitanno faarso faarsitannota rodoote kultino.

jw.org yinanni webisayitenkera nooha konne gafa daaꞌꞌati; hattono hakko noote addi addi viidiyo, faarsuwa woy rosiishshuwa giddo mite mobayilekkira dirrisiꞌri. Togo assakki konne gafa soqqanshote horoonsiꞌrate kaaꞌlitannohe. Tini Mootichaho soqqamate kaaꞌlitannonkete kaajja qixxaawooti!—Looso 20:19.