Higge Affino Webisayitenke—Ninkeno Wole Mannano Xaqqantara Qixxeessinoonnite
Yesuusi Maganu Mangisteha dancha duduwo “daga baalantera naqaashe ikkanno gede,” “uulla woꞌmate” sabbankammora hajajinonke. (Mat. 24:14) Soqqanshonke ‘woꞌmunni woꞌma gumulate’ kaaꞌlitannonke gede, watchtower.org, jw-media.org, nna jw.org yinanni webisayittanke gamba assine mitte jw.org yinanni webisayite qixxeessinoonni.—2 Xim. 4:5.
“Uulla Woꞌmate”: Uullate aana noo daga giddo xibbunni 33 anga geeshsha ikkanno manni Interneete horoonsiꞌrannoho. Interneete batinyu manni, hakko iso wedellootu mashalaqqe afidhanno massaara ikkitino. Webisayitenke, Interneete horoonsiꞌranno manni Qullaawu Maxaafi xaꞌmuwara halaale ikkitino dawaro afiꞌranno gede kaaꞌlitanno. Qoleno mannu Yihowa dirijjite afanno gede assitanno, hattono Qullaawa Maxaafa xiinxallisseꞌꞌe yee xaꞌmiꞌrate injaannonsa gede assitara dandiitanno. Danchu duduwi, Maganu Mangiste sokka macciishshate gari faro nookki qooxeessira heeꞌranno mannira iillanno gedeno assitanno.
“Daga Baalantera”: Dancha duduwo “daga baalantera” farciꞌrate, Qullaawu Maxaafi halaale addi addi afiinni shiqisha hasiissannonke. Jw.org yinanni webisayitenke daaꞌꞌatanno manni, 400 meddi yaanno afiinni mashalaqqe afiꞌra dandaanno; kageeshshi afiinni mashalaqqe shiqishshannoti wole webisayite dino.
Seekkitine Horoonsidhe: Haarote qixxeessinoonniti jw.org yinanni webisayitenke ammaninokki mannira farciꞌrate calla qixxaabbinota diꞌꞌikkitino. Qixxeessinoonnihu ninke Yihowa Farciꞌraasineno horoonsiꞌneemmo gedeeti. Qooxeessiꞌnera Interneete noo ikkiro, jw.org seekkitine horoonsidhinanni gede amaalleemmoꞌne. Horoonsiꞌra dandiinanni gara aanchine xawinsoonni.
[Qoola 3 noo misile]
(Sonunni qixxaabbinota la”ate, attamantino borro lai)
Woꞌnaaltine Laꞌe
1 Kompiyuterekki aana webisayite borreessinanni basera www.jw.org yite borreessi.
2 Webisayitete umoonni, guraanni, hattono addi addi basera noo birxichuwanna addi addi linke fante webisayitenke seekkite daaꞌꞌati.
3 Interneete noo mobayilenni woyi wolu elekitirooniksete uduunnichinni jw.org horoonsiꞌrate woꞌnaali. Webisayitete qooli jilbi uduunnichu jilbi garinni babbaxxannoha ikkirono, mashalaqqe kayinni mitto garaati.