“Konne Qaale Wodanikkira Wodhi”

Annunna ama allaalaanote gedeeti. Shiimurinni dogantannorenna gawajjantannore oosonsa seekkite towaata hasiissannonsa. (Law. 27:23) Annuwanna amuuwu konne halaafinatensa wonsha dandaannohu hiittoonniiti? Insa oosonsa wodaninna surre giddo noore afate barru baala oosonsa ledo yanna sayisa hasiissannonsa. (Law. 20:5) Qoleno annuwunna amuuwu, oosonsa ammana kaajjishate, giira dandee saꞌꞌannorinni qajeelsa hasiissannonsa. (1 Qor. 3:10-15) “Konne Qaale Wodanikkira Wodhi” (Ingilizete Afoo) yitanno viidiyo maatete magansiꞌra ganye assiꞌra hasiissannota leellishshanno. Tenne viidiyo maate mitteenni laꞌine aante noo xaꞌmuwa hasaabbe.

(1) Roomaani maate ayyaanaamittete coyi aana illachishshannokki gede assinonsari maati? (2) Roduu Roomaani umo maatete magansiꞌransa massagate assinori qiniinosikkihu mayiraati? (3) Ooso danchu garinni lossiꞌrate kaaꞌlannohu Qullaawu Maxaafihu xintu seeri hiikkonneeti? (Marro 6:6, 7) (4) Maate danchu garinni hasaabbanno gede kaaꞌlansara dandaannori maati? (5) Annuwunna amuuwu oosonsara maa assa hasiissannonsa? (6) Roduu Beeronna minaamasi Roduu Roomaani maatera dancha lawishsha ikkitinohu hiittoonniiti? (Law. 27:17) (7) Maatete magansiꞌra qinaabbinota ikkitanno gede maatete umo ikkitinori balaxxe maa assa hasiissannonsa? (8) Roduu Roomaani maatesi giddo hasiisanno coye biddi assinohu hiittoonniiti? (9) Maatete magansiꞌra ganyine assiꞌra hasiissannohu mayiraati? (Efe. 6:4) (10) Maatete magansiꞌra yannara assa dandiinanniti mite coyibba maati? (11) Roduu Roomaani beettisi Maarkesi gara ikkinore assa hasiissannota ikkitinota afanno gede kaaꞌlate shaqqillunni, kayinni kaajjishe kulinohu hiittoonniiti? (Erm. 17:9) (12) Roduu Roomaaninna minaamasi beettonsa Ribiqa Jestiini ledo noose aante lainohunni gara ikkino coye assitanno gede amaalinosehu hiittoonniiti? (Marq. 12:30; 2 Xim. 2:22) (13) Roduu Roomaaninna minaamasi heeshshonsa giddo biddi assidhino coyi ammana noonsata leellishannohu hiittoonniiti? (Mat. 6:33) (14) Tini viidiyo maatete umo ikkitinori maatensara ayyaanaamo coye qixxeessa hasiissannonsata leellishshannohu hiittoonniiti? (1 Xim. 5:8) (15) Maatete umo ikkitinoonniri maa assate murcidhinoonni?

MAATETE UMO IKKITINORIRA QAAGIISHSHA: Kuni xaa yanna diraami 2011nnihu qoqqowu gambooshshira shiqinoho. Hatte yannara maateꞌne magansiꞌra lainohunni biddi assiꞌra hasiissinoꞌne coye baddine affinoonniri no? Xa hiittootiyya? Albillitte biddi assiꞌra hasiissannoꞌne coyi heeꞌriro, maateꞌne hegerera kaaꞌlannoꞌne coye seekkitine huuccidhine biddi assidhe ballo.—Efe. 5:15-17.