Jarmanete Kiristoosi reyo Qaagooshshe ayirrinsanni heeꞌnoonni
Lawishsha Ikkannoha Hasaawu Bitima
AGAROOSHSHU SHAE
Xaꞌmo: Lowo manni afinoha konne qummeeshsha nabbabbe egennootto?
Qummeeshsha: Yoh 3:16
Borro Elate: Tini Agarooshshu Shae Yesuusi qarramasinna reyasi ate kaaꞌlitannohu hiittoonniitiro xawissanno.
AGAROOSHSHU SHAE (badhiidi qoola)
Xaꞌmo: Hanni tenne xaꞌmonna duuchu manni qolanno dawaro lai. [Umi xaꞌmonna aane noo doorshsha nabbawi.] Tennera ati mayyaatto?
Qummeeshsha: Mt 4:1-4
Borro Elate: Daawuloosi Yesuusi ledo hasaawinonna iso fonqolino daafira isi mulla busha akata diꞌꞌikkino. Qullaawu Maxaafi Daawuloosi daafira wolere mayyaanno? Kuni birxichi roore xawise kulanno.
QAAGOOSHSHU AYYAANIHA KOYISHSHU WORAQATA
Borro Elate: Badheessa 14, 2008nni ayirrinsannihu mittu baxxino ayyaanira daara mannaho konne woraqata uyinanni heeꞌnoommo. [Koyishshu woraqata uyi.] Hakko barra alame woꞌmate lowo miliyoone ikkanno manni Yesuusi Kiristoosi reyo qaagooshshe ayirrisatenna isi reyo kaaꞌlitannonke gara kultanno Qullaawu Maxaafi aana xintantino lallawo woxe baatikki macciishshate gamba yaanno. Kuni koyishshu woraqati ninke qooxeessira konne ayyaana ayirrinsanni saatenna bayicho kulanno. Dandaattoha ikkiro daatto gede koyinsoommohe.
UMIKKIHA HASAAWU BITIMA QIXXEESSIꞌRI
Aleenni noo lawishshuwa horoonsidhe umikkiha hasaawu bitima qixxeessiꞌri.