Lawishsha Ikkannoha Hasaawu Bitima

Qaagooshshu Ayyaanira Manna Koyisate

“Badheessa 25, 2007nni ayirrinsannihu mittu baxxino ayyaanira daara mannaho konne woraqata uyinanni heeꞌnoommo. Hakko barra alame woꞌmate lowo miliyoone ikkanno manni Yesuusi Kiristoosi reyo qaagooshshe ayirrisatenna isi reyo kaaꞌlitannonke gara kultanno nigiggire woxe kaffaꞌlikki macciishshate gamba yaanno. Kuni koyishshu woraqati ninke qooxeessira konne ayyaana ayirrinsanni saatenna bayicho kulanno.”

Agarooshshu Shae Badheessa 1

“Badheessa 25, 2007nni Yesuusi Kiristoosi reyo qaagooshshe ayirrinsanni. Qooxeessinkera hakko barra konne ayyaana ayirrisate gamba yaanno manni no; mitu manni kayinni Yesuusi reyo kaaꞌlitannori nookkihu gede asse hedanno. Tennera ati mayyaatto? Yesuusi reyonna kaosi ninkera kaaꞌlitannori nooha lawannohe? [Dawaro qola geeshsha agari.] Tennera Maganu Qaali mayyaannoro lai. [1 Qorontoosi 15:22, 26 nabbawi.] Tini metseete Yesuusiti wodote kakkalo albillitte kaaꞌlitannonke gara yaano, uullate aana reyo heedhannokki yanna daggannota kultanno.”

Baqqi Yiiyye! Badheessa

“Qooxeessinke mannira muli barrita Baqqi Yiiyye! yinanni metseete uyinanni heeꞌnoommo. [Aaniidi qoola leellishshi.] ‘Isi Maganu no?’ yitannote tenne umi xaꞌmora mannu babbaxxinore yaano. Ate hedora, albillittete yanna daafira hagiirrunni heddannori Maganu no yite ammantannoreetinso dino yitannoreeti? [Dawaro qola geeshsha agari.] Hanni Maganu mannu oosora uyinoha hexxote qaale lai. [Faarso 37:10, 11 nabbawi.] Tini metseete Maganu nooronna teꞌee afate kaaꞌlannoha shoole coye xawissanno.”