“Ayiddaannise . . . Songanno Yannara Ayirrinsanniho”

Maanaame galte noosi minaanni mullanka leellanno. Moote Limueeli waro maanaame galte noosi manchi mannu ledo “songanno yannara ayirrinsanniho.” (La 31:23) Xaa yannara ayirrinsanni labballi cimeeyyenna songote soqqamaano ikkite soqqantanno. Galte noonsare ikkituro, galtensa danchu akati nootanna dancha gede irkissannota ikkituro tini dancha gede soqqamate kaaꞌlitannonsa. (1Xi 3:4, 11) Togoota maanaame galte minaannise calla ikkikkinni songono galattannose.

Maanaame galte aane noore assite minaannise soqqamanno gede kaaꞌlitanno:

• danchare coyidhe jawaachishshannosi.—La 31:26

• songo kaaꞌlanno wote maahoyye yitanno.—1Te 2:7, 8

• bikku heeshsho heedhanno.—1Xi 6:8

• songote fojo dixaꞌmitannosi.—1Xi 2:11, 12; 1Ph 4:15